Discusion:Belun

Contenuti de pajine no soportà in altre łéngue.
Da Wikipedia, l'ençiclopedia libara.

Ma setu da ‘nde? Al Vescovo Giovanni intant lè vivest intorno all’anno 1000 e non lè stat par nient cativo, anzi, l’ha portà i confini de Belun fin a Eraclea… Setu trevisan?

1NN4V015 21:02 27 febb. 2022


Gò rimeso Bełun al posto de Belun, parché qua se ognuni pretende de scrivar ła so çità come ghe piaxe a lu, alora i vicentini i taca a scrivar Vicensa e i venezsiani Venessia e no ghe se capise pi gnente. Łe convenzsion łe prevede de doparar ła Ł par unificar łe pronunce Belun (belumat) e Bełun (veneto çentrałe), donca se gà da scrivar Bełun, e i bełunexi i lezarà Belun. LV~El me diga, sior 13:27, 25 luj 2007 (UTC)

te assicure che tel veneto della provincia de Belun (feltrin, belumat, pagot, bas cadorin, agordin, Ẑoldan ecc) la Ł tajada no la esiste proprio neanca te i scriti pi veci! L'è na cuestion de coreteza grafica e fonetica e sicome che te 'l veneto clasico la L la esiste al Belumat gl'usa cuela e basta. L'è ridicol dir che ghe ne la Ł ma no la se lede parchè se dis L ancha se sarie ma non la è... daimo su no fon in seri!

--Jacobus 14:54, 25 luj 2007 (UTC)

Ciarimo na roba: no l'è mìa che 'nte łe base se diga "Bełun". 'Te łe base se dixe "beun" se se parla de dir. Cusì come a Verona e 'nte ła Valbeluna se dixe "belun". Ła L-tajada l'è na roba de scritura: no de parlada. Donca me go perméso de dontar fra parèntexi łe pronuncie BELUN/BEUN 'sta ùltima si che se dixe 'nte łe base. In belumat se dixe L, 'te łe base no se dixe gnente e scrìvar se pol scrìvar L-tajada.

--Gustavodandolo 18:04, 25 luj 2007 (UTC)

Carisimo, prima te tut te domande scusa se pose eser stat an cin reoso, no olee eser cativo. Ma le da tanti tant tenp che colabore co asociaẑion de poesie dialettali, son etnomusicologo e ho a che far col dialeto in maniera streta. Ame al belumat e ghe cene tat. Al balumat, al diferis dal restante veneto par tante rajon. Alora se me disee che tut al discorso gl'è stat fat in visa che te la wikipedia ge epie da eser na grafia comune mi sbase la testa e dighe va ben, ma alora cogne scancelar al Templare che dis Sto articolo l'è scrito en diałeto bełunexe (belumat) parché no l'è scrit in belumat, ma te'n slegn venetico convenẑional. In Belumat, e (esiste addiritura framenti scriti che riva dal la seconda metà del '700) no esiste in grafia ne menchemai te la lengua parlada la Ł. La derivazion venetica del belumat l'è pa la verità un inesto fat dopo te la local parlada celtica.... ma no stae qua a far al profesor spakabale.... Paradosalmente sarie sbajà ma manco grave scriver an Xe pitost ke na Ł, parchè storicamente a Belun centro ghe n'è una presenza de antica nobiltà veneziana che co i parla in cichera i usa al xe. Terminando mi ve deighe sol ke sarie bel asar i articoli in belumat scriti coretamente, sarie brut che te na enciclopedia ghe fuse erori gravi. Al veneto de pianura (e credeme non l'è canpanilismo, ma frutto de ricerca storica) anca se diversificà in maniera forte tra Veronam Castelfranco, Vicenza ecc... l'è però fiol de la stesa radis, par al belumat non l'è così parchè al Veneto l'è una de le radis inestade... Vardè che se podarie far an discorso ancora diverso par al feltrin e un ancora diverso par ogni val, ma se cenon bon al belumat, fonlo con coreteẑa. Sani se vedon!!

--Jacobus 06:11, 26 luj 2007 (UTC)

Si dai basta capirse l'è vera che el belumat l'à na storia difarente da altre varianti. Dixon na roba:

  • se se parla de grafìa del belumat se pol dir che no ghen'è L-tajade (ma sol che L piene), come se pol dir che gnanca 'te la grafìa padoana se cata L-tajade (ma sol che evanesenti cioè "e" curte).
  • Se se parla de parlada/letura/pronunzhia del belumat alor se pol dir che catando na L-tajada doprà a liveło xeneral i Belumat i ła lede inevitabilmente come L piena e i Padoani inevitabilmente come L evanesente.

Ciao! --Gustavodandolo 20:45, 26 luj 2007 (UTC)

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Discusion:Belun&oldid=1095987"