Daniele Manin

Da Wikipedia, l'ençiclopedia libara.
Va a: navigasion, serca

Daniele Manin (Venexia, 13 majo 1804Parigi, 22 setembre 1857) el xe stado un patriota e politico venexian.

Biografia[canbia | canbia sorxente]

Daniele Manin a Parigi
Casa natale di Manin

Manin el vegnea da na fameja ebrea e a la nascita i lo ga registrado come Daniele Fonseca[1]. In seguito la fameja la se ga convertìo al catolicesimo e, come jera soliti far i ebrei de l'epoca, la ga tolto el cognome del padrino de batesimo, che jera so fradelo de Ludovico Manin, l'ultimo doxe. Par na coincidensa, donca, el cognome patrisio fin alora associado a la fine de l'indipendensa de Venexia el vegnarà ora associado a la ritrovata libertà.

Dopo aver ciapà la laurea in giurisprudensa a Padoa nel 1821, Manin el se ga dedicà a l'atività forense in te la so sità.

Messo in preson dai austriaci par la so atività patriotica, el xe sta liberado a furor de popolo el 17 marso 1848 insieme a l'altro patriota Nicolò Tommaseo. A la successiva proclamasion de la Republica de San Marco i lo ga eleto Presidente, e durante l'assedio de la sità nel 1848-49 el ga dato prova de inteligensa, corajo e fermezza. Costreto a l'esilio dal ritorno dei austriaci, el ga vissù poi a Parigi dando lezioni de lengua italiana e conservando l'amor par la so patria. El ga anca contribuìo a fondar la Società nazionale italiana. El morirà el 22 setembre 1857 a Parigi.

La salma la xe rientrada a Venexia el 22 marzo 1868, sirca du ani dopo l'anesion a l'Italia de Venexia a la fine de la Terza guera de indipendensa, vegnendo acolta co na festa funebre in Piaza San Marco, presedùa da una procesion funebre, longo la Riva dei Schiavoni.

So fio Giorgio (1831-1884) el sarà anca lu patriota: uno dei "Mile" de Garibaldi, ferìo a Calatafimi.

Note[canbia | canbia sorxente]

  1. Samuele Schaerf I cognomi degli ebrei d'Italia Israel, Firenze, 1925

Bibliografia[canbia | canbia sorxente]

  • A. Errera, Vita di D. Manin (Venexia, 1872)
  • P. de la Farge, Documents, &c., de D. Manin (Parigi, 1860)
  • Henri Martin, D. Manin (Parigi, 1859)
  • V. Marchesi, Settant'anni della storia di Venezia (Torino) e na eccellente monografia nei Italian Characters de la Contessa Martinengo Cesaresco (Londra, 1901).
  • Pietro Galletto, La vita di Daniele Manin e l'epopea veneziana del 1848-49, (1999), San Zenone degli Ezzelini (TV), Giovanni Battagin Editore
  • Sebastiano Bedolo, Storia esatta dei fatti del 22 marzo 1848 in Venezia con documenti giustificativi" (Venezia, 1848), rep. nte la Biblioteca Comunale de Treviso.

Varda anca[canbia | canbia sorxente]

Altri progeti[canbia | canbia sorxente]