Dalmazia

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Dalmàsia


Infobox de Zeografia fìzegaDalmazia
(hr) Dalmacija Cànbia el vałor in Wikidata

Cànbia el vałor in Wikidata
SorteRejon istòrega Cànbia el vałor in Wikidata
Liogo
Rejon aministrativa Croàsia Cànbia el vałor in Wikidata
Cànbia el vałor in Wikidata

Map

 
Dati e sifre
Àrea12 158 km² Cànbia el vałor in Wikidata


















































La Dalmazia in Croazia

La Dalmazia (in croato Dalmacija; in altre varianze vènete Dalmasia) la xe na region giogràfica su la costa oriental del Mar Adriàtico, che se spande dal'ìzoła de Pago a nord-ovest de le Boche de Càtaro a sud-est. La Dalmazia la se slonga fin a 50 km verso l'indrénto inte la parte nord, e par solo pochi chilòmetri inte la parte sud.

La Dalmazia croata la xe ancuo conposta da quatro contee, le cavedal de le quai le xe Zara, Sebenico, Spàlato e Ragusa.

Le prinzipai ìzołe dàlmate le xe: Pago, Ìsola Longa, Ujan, Pasman, Incoronade, Braza, Lèsina, Cùrzola, Lissa, Làgosta e Mèleda.

La Dalmazia la òspita la Cadena de le Alpi Dinàriche. I fiumi più longhi i xe Zermagna, Cherca, Cetina e Narénta.

A causa del modo in tel qual le scor le corénti marine e a come che i vénti i supia sul Mar Adriàtico, l'aqua de mar la xe più néta che su la costa italiàna e sto fato qua, insiéme al'enorme nùmero de spiage, ìzołe, canai, el fa la Dalmazia particolarmente atrativa par le regade e'l turismo nàutico in zeneral, quindi ghe xe un bon nùmero de porti turìstizi.

Storia[canbia | canbia el còdaxe]

Resti del'insediaménto roman de Salona
Posediménti venesiani zentradi su la Dalmazia
Zità vecia de Sebenico vista da la forteza de Sant'Ana

El nome de la Dalmazia el vien fora da la località de Delminium, forsi un comun de l'Erzegòvina de ancuo, zéntro prinzipal, aponto, de la popolasion dei Dàlmati. Quest'àrea la faséva parte de la region ciamada Iliria, conquistada dai Romani, guidai dal cònsole Lucio Cecilio Metello, in tel 118 a.C.. La provincia de Dalmatia la xe nassuda in tel 33 a.C.. La ga avudo un rolo fondamental inte la storia del'Inpero Roman: infati da qua i rivava i cusì ciamadi inperadori ilìrizi (268-285) e, oltratuto, Spàlato la òspita l'inportante palazo de Dioclezian, finido in tel 305. L'ùltimo toco del'Inpero Roman de Ozidénte el xe stà la Dalmazia, conquistada dai Èruli in tel 482.

El controlo del'inpero bizantin, almanco formalmente, el xe durà dal 535 al 1186, anca se in mezo ghe xe stade le invasion dei Schiavoni, che i ga costituido regni indipendénti. Za in tel 1000 el dose venezian Piero Orseolo el gaveva ciolto el controlo de la parte costiera de questa region ma sto qua no'l jera gnénte de definitivo: ghe saria vosudi almanco quatro sècoli a la Serenìsima par gaver pien possesso de la Dalmazia. Le fase più inportanti le xe stade la conquista de Zara del 1202, el passajo tenporàneo al'Ongaria in tel 1358 e a la fin la definitiva presa de poder de Venezia in tel 1420. I posediménti veneziani i se slongava bastanza ben indrénto e i confinava co la Repùblica de Ragusa, nassuda col passajo parzial de la region al regno ongaréxe.

I sècoi daspò i ga visto un ténpo de instabilità par la Dalmazia. El spostaménto dei tràfighi dal Mediteràneo al'Atlàntico el ga signifegà ristagno econòmico par tere za provade da le continue incursion dei Turchi: Ragusa la jera tributaria del'Inpero Otoman, mentre Venezia la ga mantignudo un controlo bastanza saldo.

In tel 1797 la Dalmazia la xe passada soto la Franza, che la ga ciolto anca Ragusa in tel 1808: aministativamente la jera unida al'Italia, almanco fin a quando Napoleon el ga formà le province ilìriche. El Congresso de Viena el ga dà la Dalmazia al'Àustria e soto l'inpero dei Asburgo i ga scominzià a formarse moviménti nazionai, prinzipalmente de Croati, anca se i Italiani i jera na menoranza miga poco visìbile.

Drio el Pato de Londra, a la fin de la Prima guera mondial i teritori fin a Sebenico e Tenin i saria stadi dadi al'Italia, solo che in tel 1918 tuta sta zona, cavada Zara, la xe finida a la Jugoslavia. Durante la Seconda Guera Mondial i Italiani i ga ocupà tuta la costiera, ma'l dominio xe durà poco: za in tel 1944 tuta la Dalmazia la jera in man dei partizani de Tito, anca quel che ghe restava de Zara. Ogi squasi tuta la Dalmazia la partien a la Croazia, indipendénte dal 1991: ghe xe dei tochi no croati come el sboco al mar de la Bosnia-Erzegòvina e Càtaro e le so boche che invése i xe del Montenegro.

Bibliografia[canbia | canbia el còdaxe]

  • Luigi Tomaz, Il confine d'Italia in Istria e Dalmazia. Duemila anni di storia, Presentazione di Arnaldo Mauri, Think, Conselve, 2008.


Controło de autoritàVIAF (EN248536514 · LCCN (ENn85017878 · GND (DE4070200-5 · WorldCat Identities (ENn85-017878
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Dalmazia&oldid=1151753"