Cuxina veneta

Da Wikipedia, l'ençiclopedia libara.
Va a: navigasion, serca

Ła cuxina veneta ła xé ła cuxina tipega del Veneto. Ła deriva da siecołi de tradisioni e de contaminasion culturałi co łe cuxine del Nord Italia, del'Austria o anca de i paexi s-ciavi pì vixini a nialtri, come oviamente de scambi co ła vixinisima cuxina furlana. Ła połenta ła xé el piato comun a tuto el Veneto, dal mare a ła pianura a i monti, e ła połe esare xała o, int'el padoan e venexian, anca bianca. Dopo ghe xé na gran varietà de piati e de condimenti che'ndaremo a ełencare de seguito.