Cuciaro
Da Wikipedia, ła ençiclopedia lìbara.
El cuciaro o sculiaro o sculiero o scugier o sculier el xé na posada da tola costituìa da na pałéta concava ovałe, doparà par tirar su e metar in boca magnari liquidi o un fià sbrodegosi.
El nome el vien dal latin cochlea (s-cioso) parché pol darse che el primo rudimentałe cuciaro el fusse un s-cioso (da ła qual el nome). I ghe someja de pi a ła forma conosiùa ancuo, i cuciari che se usea in tea antiga Roma: ła ligula e el cochlear (prima de osso e dopo de metal, cualche volta col manego a punta chel podea servir par verxar i mołuschi o sbuxar vovi). De le volte el manego el gavèa na dopia punta e el vegnea doparà l'istesso come che ancuo se dopara el piron.
