Corriere del Polesine

Da Wikipedia, l'ençiclopedia libara.
Va a: navigasion, serca

El Corriere del Polesine el xe sta on quotidian stanpà a Rovigo dal 1890 al 1927.

El gera sta fondà dal 1890 da Giovanni Battista Casalini par contrastar el movimento democratego che el gera drio 'ndar verso el sindacałismo e el sociałismo. Ła so difuxion ła se agirava tra łe 4000 e łe 6000 copie. 'Na nota prefetizia del 4 de agosto 1921 ła atribuiva al quotidian 'na tiratura de sirca 3000 copie al dì. Dal febraro del 1893 al lujo del 1898 el xe sta direto da Alberto Bergamini, po' passà al Corriere della Sera, futuro fondador 'ntel 1901 del Giornale d'Italia e entrà 'nte ła storia del giornalismo itałian par aver inventà ła tersa paxena. El quotidian el sostegneva i intaressi dei agrari łocałi e el gera spesso in połemica col setimanałe sociałista La Lotta e col setimanałe catołico diocexan Il Popolo, che sucessivamente el ga canbià el nome in La Settimana.

'Nte i ani 20 el quotidian el ga sostegnù el Partito Nasionałe Fasìsta. Dal 1921 el xe sta controłà da Enzo Casalini, neodo de Giovanni Battista.

El ga sarà 'ntel 1927 par vołontà deło stesso Casalini che el ga fondà on novo quotidian: La Voce del Mattino.

Bibliografia[canbia | canbia sorxente]

  • a cura de ł'Accademia dei Concordi e de ł'Istituto Tecnico Femminile "Luigi Einaudi" de Badia Połexine. 5 centesimi di attualità - Il Corriere del Polesine riletto cento anni dopo (El vołume no 'l porta nisuna data).
  • a cura de ł'Accademia dei Concordi. Corriere del Polesine (1890-1927). Un giornale, un'epoca, un territorio Rovigo, novenbre 1997;