Cocal

Da Wikipedia, l'ençiclopedia libara.
Va a: navigasion, serca
Nuvola apps bug2.svg
Cocai
Seagull in the sky.jpg
Clasificasion sientìfega
Phylum: Chordata
Clase: Aves
Órdene: Charadriiformes
Sotordine: Lari
Fameja: Laridae
Generi
Segui el Projeto Fórme de vita


I cocai (al singołar cocal, Laridae) i xé na fameja de oxełi de mar del'órdene dei Caradriiformi. El gènare prinçipałe de sta fameja el xé el Larus. Anca si i xé oxełi de mar, tante cołonie łe vive su grandi łaghi (par exenpio el łago de Garda) o se ciapa da magnar 'ntel'entrotera.

Se trata de oxełi de mar con ałe longhe e bechi robusti, dełe volte lexermente adunchi. Łe ałe łe xé sołitamente de cołor bianco, grixo o nero e 'ntei jóveni anca maron. A seconda de ła spece i jóveni i inpiega da dó a quattro ani prima de rivar ała łivrea d'adulto. En sta faxe canbia i cołori de łe pene, quełi del beco, de łe sanpe e dei oci.

Qualche spece ła canbia el cołor del piumajo a difarensa de ła stajon. I sesi no i se distingue dal piumajo.

Sołitamente i vive en cołonie, i nidifica łongo łe coste o en zone ùmede e aque interne. I magna pesi, vovi, carogne picenine, avansi (anca dei ómini, 'ntełe descàreghe). No i disdegna inseti grandi (cofà łe łibełułe) o picenini (cofà siami de formighe vołanti) o vermi (speso dopo łe aradure).

El nome "Cocàl" el derìva dal greco antigo kauk(i)àles e kaukalìas nome de oxeło drio Esichio.

Classificazione[canbia | canbia sorxente]