Chupito

Da Wikipedia, l'ençiclopedia libara.
Va a: navigasion, serca
Sta pajina xè orfana
Sta pajina xè orfana, overo priva de cołegamenti in entrata da altre pajine
Inserissighene almanco uno pertinente e cava l'avixo


El chupito consiste inte un goto de superalcołico bevùo tuto d’un fià, "de schiopo", "a canon", "a vetro", "a tuono", “ała giosa”, “ała calata” o “one shot” o come che te vui. Inte ła variante Chupito rum e pera xè suito aconpagnà da 'n altro goto (oviamente de dimensioni picenine), de łe stese dimension, contenente suco de fruta (preferibilmente de albicoca o pera, in quanto pì densi).

Xè opinion comun ma erada in Itałia che par chupito se intenda comunque "rum e pera", quando invese el termine indica un "goto" de superalcołico. Ła paroła, spagnoła, corisponde in sostansa all'inglexe shot o agl'itałiani bonbeta, o sparino.

Ło scopo de bére el suco de fruta xè queło de evitar el bruciore sołitamente provocà dal superalcołico.

Chupito rum e pera[canbia | canbia sorxente]

El tipo de chupito pì difuxo in Itałia xè queło de rum e pera. Consiste inte'l bére un goto de rum bianco o rum dorà (mai rum invecià) seguìo imediatamente da uno de suco de fruta de pera.

Chupito soło rum[canbia | canbia sorxente]

In sto chupito nò'l xè prexente el suco de fruta. Se beve un goto de rum dorà (mai rum bianco, tropo punxente). Mentre el rum e pera xè molto difuxo in Itałia, inte i paexi latini cofà Spagna e molti paexi caraibisi xè pì difuxo el "rum soło". Xè difuxa l'abitudine de far gare de chupito de soło rum, in cui ogni concorente gàło da finir prima de i altri un serto numaro de goti.

Chupito tres rones (tre rum)[canbia | canbia sorxente]

In sto caxo i se beve tre chupito de fiła. El primo contenente un rum invecià, el secondo un rum dorà, el terso rum bianco. Ła sucesion dei tre tipi de rum crea un crescendo de savori che i va dal pì pacà al pì punxente, in modo da poder ogni volta sentir l'efeto dell'alcol.

Goti da chupito[canbia | canbia sorxente]

  • Shot clasego: picenino e pexante, el mijor goto da chupito. Inportante che 'l fondo nò'l sia piato, par far scorare pì vełoseménte el rum.
  • Shooter: par chupito miscelaì a pì basa gradasion alcołica. Pì gradìo dal publico feminiłe parché servìo có ła miscelasion de suchi de fruta o pre mix. Xè pì capiente del presedente, e ła forma varia da ła tipołoxia de goto.
  • Double shot: gà ła capasità dopia, ma xè pitosto scarsamente utiłixà inte i locałi itałiani, anca in quanto na dopia doxe alcołica del contenùo de un chupito, che a seconda de łe definision e dell'unità de mexura dopàra pol variar tra i 5 cl e i 10 cl, xè pì de na doxe normałe prevista da ła lexe itałian, che xè de 40 gr. cioè sirca 4 cl.

Altri projeti[canbia | canbia sorxente]