Chipilo
Da Wikipedia, ła ençiclopedia lìbara.
Chipilo ła xe na çità picenina che ła se cata a 12 km al Sud de ła çità de Puebla, in Mèsico. La xe a 2150 metri sora el nivèo del mar. El so nome ofixial el xe Chipilo de Francisco Javier Mina. El nome par quełi orijnari de Chipilo el xe chipilegni.
Chipilo ła xe stà fondà el 2 de otobre de 1882 da imigranti vèneti provenienti de l'area pedemontana. Na majoransa i vien da Segusino (Trevixo).
[modìfega] Łengoa e Cultura
I chipileñi i conserva łe so tradixion e soratuto ła so łengoa. Ncora ancuo a Chipilo i parla ła łengoa vèneta dei so bisnoni. Ła varianta vèneta che se parla ła xe el feltrin-belumat. Resulta sorprendente che el idioma no el gabia vudo grose influense dal spagnoło, come invesse a xe capità e xe drio capitar in Itaja.
