Cexa de Santo Stefano

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Cexa de Santo Stefano
Parte de ła fasàda
Parte de ła fasàda
Locałità Venesia
Rełijon Catołega
Diocexi Patriarcà de Venesia
Stiłe architetonego Gotico


L'interno
El campanièl

Ła Cexa de Santo Stefano xe un edifico lérigioxo de ła çità de Venesia, situà 'ntel canpo omonemo, a pochi pasi dal Ponte de l'Academia.

Storia[canbia | canbia sorxente]

Ḷa cexa xe stàda costruìa 'ntel XIII secoło dai frari eremitani de Sant'Agustìn, xe stàda costruìa darecào 'ntel XIV secoło subìndo grandi anpliamenti nel corso del XV secoło[1].

La cexa xe stàda speso teatro de epixodi de viołensa e anca de sasinàe, tanto che par sta razon nel corso dei secołi xe stàda consacràda par ben sìe volte.

Descrision[canbia | canbia sorxente]

Ła cexa de Santo Stefano se faça so Canpo Santo Stefano co' el fiànco drèto. So stalro se ghe verxe varie monofore ogivałi e, nella canpàda çentral de łe tre vixibiłi da fòra, anca un portàl lateràn co' cornixón marmoreo scolpìo.

Ła fasàda apare pì inponénte de quanto che xe in realtà parchè se fasa so' na całe srèta. Ne ła fasa superior ghe xe un roxone al çentro e do bifore gotiche in banda. In quèła inferior, in ase co' ła fenestra sentràl, se cata l'inponénte portàl, òpara de Bartolomeo Bon che ła gà reałixàda 'ntel 1442 e caraterixà da 'na łuneta in stiłe gotico sfiamegànte, el cui perimetro xe decorà co' vołute. A łe do bande de ła łuneta, vòda al çentro, se trova do snèłe guliete a pianta otagonàl, mentre in çima a l'arco ghe xe 'na statua cèa marmorea rafegurante Gesù in trono.

Interno[canbia | canbia sorxente]

L'interno de ła cexa xe a tre navàe spartìe da cołone corinsie çircolàri in marmàro de Verona che rèxe su çinque archi ogivałi par lai.

Ła navàda sentràl, oltra a esser inluminàda da łe fenestre de ła fasàda, xe anca inluminàda da fenestre a łunèta verte 'ntel Setesento, xe covèrta da un sofito a cołónba de nàve, tegnùo su da travi incixi che core paralełi al siòło de ła cexa, a çìrca oto metri da tèra.

A l'interno de ła cexa se rimarca la granda łastra tonbàl che coverxe łe spògie del doxe Francesco Morosini, el Peloponnesiaco, òpara del 1694 de Antonio Gaspari e Filippo Parodi.

  • fàsa inferior: petàfio del condotier;
  • fàsa mediana: a l'interno de 'na nìcia co' acro a tuto sesto se trova ła statua equestre bronxea del Contarini (in banda, inveçe, el busto de un gardenàl);
  • fàsa superior: tìnpano.

L'abside połigonàl, che xe anca un ponte soto al quałe score un rio che se pol navegàr, xe seràdda da 'na transena marmorea soto ła quała se cata l'altar maxor.

La sagrestìa ospita quatro tełe de Jacopo Tintoretto: Resurrezione, l'Ultima Cena, Cristo lava i piedi agli apostoli e l'Orazione nell'orto. Altro grando artista prexente su sto medèmo spasio xe Antonio Vivarini co' do òpare de rimarco: San Nicola di Bari e San Lorenzo martire. Nel giòsto de łe sculture spica ła stełe funararia a recordo de Zane Falier òpara del 1808 de Antonio Canova.

Campanièl[canbia | canbia sorxente]

El canpanièl de ła cexa, un mondo alto, de inpianto romanico con caxànsa a tre archi e sorastà da un tanburo otagonàl, xe caraterixà da 'na pendénsa açentuàda, che, pur non prexentando particołari ris-ci, vien comunque de continuo monitoràda. 'Ntel 1904 xe stà consołidà da l'inxegnèr Crescentino Caselli.

Rełìchie[canbia | canbia sorxente]

Se conserva el corpo de Santo Stefano Protomartire

Particołarità:

Soto l'altèr de ła cexa pasa un canàl, da navegàr soło che co' baso sèvente.

Note[canbia | canbia sorxente]

  1. Associazione Storico Culturale Sant'Agostino

Altri progeti[canbia | canbia sorxente]