Cexa de Santa Łusia

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Cexa de Santa Łusia
Ła céxa de Santa Łusia un fià 'vanti che ła fusse desfàda
Ła céxa de Santa Łusia un fià 'vanti che ła fusse desfàda
Locałità Venesia
Coordinae

45°26′29″N 12°19′20″E / 45.4415, 12.3223

Rełijon Catołega
Diocexi Patriarcà de Venesia

Coordinate: 45°26′29″N 12°19′20″E / 45.4415, 12.3223

Ła cexa de Santa Łusia gera un edificio rełigioxo deła çità de Venesia, desfà 'ntel 1861, che gera situà 'ntel sestièr de Canaregio, nel liogo dove adesso ghe xe el piasal de l'atual stasion feroviaria.

Storia[canbia | canbia sorxente]

Ła céxa de Santa Łusia (a sanca) in un dipinto de Francesco Guardi

Łevada (secondo Sansovino) 'ntel 1992 come cexa parochial dedicàda a Santa Maria Annunziata (ma el Tassini la fa risałir a l'XI secoło[1]), ła gavarìa canbià el so nome par caxon de un fato che gera nato 'ntel 1279 dopo el sachegio de Costantinopołi fato dai venesiani. Durante 'l sachegio i venesiani roba el corpo de Santa Łusia, che in prinsipio xe stà trasferìo a l'Isoła de San Zorzi mazor. 'Ntel 1279 el mar gà rebaltà e barche che andava in prúsision verso l'isoła par darghe omagio ała santa; dopo el fato che alcuni peŀegrini gera morti s'avea deciso de trasferir su sta cexa de Canaregio quel corpo cussì ben vosùo. Ła Cexa xe stàda cussì intitołada a Santa Łusia (la data no se sa co' precixion, el dubio xe vegnùo da 'na łetara de papa Sisto IV del 1478, indove se afermava che gera passà più de quatroçento ani da cuando che ła cexa gera stàda dedicàda a Santa Łusia).

'Ntel 1444 la cexa passa ała giurisdision del convento de Corpus Domini, situà da quełe bande. 'Ntel 1574 la xe concessa àe Serve de Maria soto ła regoła de San Stin (Sant'Agostino).

Durante ła so storia ła cexa gà subìo diverse trasformasion. Andrea Paładio 'ntel 1580, 'vanti deła so morte, gaveva reałizà alcuni dexegni par i so interni. Cuanto ch'el gabia contribuìo no xe ciaro anca se ghe gera na iscrision sora el portal che ghe dava el struco de esar stà łu a caxamentarla: in realtà la cexa xe stàda conpletàda patòca soło che un trentenio dopo ła so morte[2]. Francesco Milizia do secołi dopo denegàva, stando sul stiłe del costruìo, che podesse esser opara del grando architeto[3].

'Ntel 1806 ła comunità conventuałe xe stàda sopresa, in execusion del decreto napołeonico del 1805.

'Ntel 1860 s'à scominsià a fabricar la ferovia; parchè serviva teren par la stasion e'l so piasal, dal 1861 al 1863 la cexa e 'l convento vien butài xo. Come ricordo deła cexa, ła nova stasion feroviaria tol el nome de Venesia Santa Łusia. El corpo deła Santa invesse vien traslocà 'nteła cexa de San Geremìa che no xe tanto łontana, dove ancora ancùo xe łogà.