Canton Tisin

Repubblica e Canton Ticino République et Canton du Tessin Republik und Kanton Tessin Republica e Chantun Tessin Canton dal Tesin
Cavedal:	Bełinzona
Sigla:	TI
Adexion ała confederasion:	1803
Superficie:	2.812 km²
Popołasion:	335.720 (31.12.2009)
Densità:	119 km² ab./km²
Łéngoa:	itałian, todesco varietà walser a Bosco/Gurin (non riconosesto), łonbardo insubre, varietà tisinexe (non riconosesto)
Mapa del canton.
Posizion in tea Svisera

El Canton Tisin (Itałian Ticino; todesco, fransexe e romancio Tessin) el xe el canton pì meridionałe deła Svisera, sol versante sud dełe Alpi. El ciapa el nome dal fiume Ticino che ło traversa dała sorgente al Paso deła Novena (ted. Nufenenpass) fin al Łago Majore.

Giografia

El Canton Tisin xe l'unico canton dea Confederasion Helvetica situà intieramente soto ae Alpe. Ghà na superfisie de 2812 km² pari al 6,8% dea intiera superfixe Svisera. El teritorio Tisinexe xe in bona parte delimità co l'Italia, infati el canton confina con sto stato da Est, Sud e Ovest mentre a Nord-Ovest el confina col Canton Uri e a Nord col Canton Grixoni

Circa 3/4 del teritorio xe considerà produtivo, le foreste łe querxe on terso del canton ma anca i laghi i costituise na larga parte del teritorio.

N'altro elemento importante del paesajio xe sens'altro el fiume Tisin, chel pasa da Nord a Ovest atraversando la Val Leventina e la Val Bedreto par finir drento el Łago Magiore. In tei presi de Łocarno prima de rivare ało sboco se trasforma in on tereno pałudoso, che diventa na riserva naturałe confluendo le acque col fiume Verxasca.

I prinsipai afluenti del fiume Tisin xe el Breno chel pasa in tea Val de Blenio e la Moexa in tea Val de Mesolcina e na granda parte del Sopraceneri, in tea parte setentrionałe del canton el fiume l'gha forma col tempo na vałe conosua come Val Riviera.

La xona osidentałe del canton xe invece bagnà dal fiume Maggia mentre el bacino del Verxasca (chel da el nome ała vałe omonima se cata tra el Tisin e la Maggia. El Sud del Tesin invexe l'xe bagnà dal Łago de Ługan che pasando par el Trexa el finise anca eło drento el Łago Magiore e quindi nel Tesin, bona parte del teritorio xe alpino ma el Mendrisioto presenta on paesajio tipicamente da Pianura padana.

El canton xe diviso in dò parti spessà in mexo dal Monte Ceneri, ste xone e se ciama Sotoceneri e Sopraceneri, la prima sopratuto la se ghà afermà come na piassa finansiaria grasie ala vicinansa economica de Miłàn, infati anca se la capitałe połitega rimane Bełinxona, chea economica xe Ługan.

Demografia

In tel 2005 la popołasion del Tisin l'jera de 322.276 abitanti, oncò el numero dei abitanti xe cresuo ma sta cresita demografega xe causà dała forte imigrasion che la riva da l'Italia; Oncò la situasion mostra un Tisin chel xe formà par on quinto da persone Tajane, Slave, Portoghesi, Spaniołe, Turche, Albanexi e Greche.

La xona piassé popołà del Tisin xe Ługan cò i sò quasi 60.000 abitanti, Seguio da Bełinxona chea xe anca la sede poitega del canton, subito dopo Łocarno, rivando poi a picołe cità che no e riva gnanca a 10.000 abitanti: Airoło, Biasca e Ciasso.

Lengoa

La lengoa del Canton Tisin xe el Tałian e el Tisinese, na variante dea lengoa lombarda ma che no ła xe riconosesta ufisialmente; El Tisin el forma co alcune vałi del Grixoni la Svisera Taliana.

El comun de Bosco Gurin xe l'unico comun del Tisin do chel se parla el Todésco.

Rełixon

Par secołi l'unica rełixon acetà l'jera el Catòłiceximo ma oncò la Costitusion Cantonałe garantise libertà de culto de tute łe confesion. A causa deła migrassion de tanta xente che la vien a vivare in Tisin, la situasion xe canbià na s-cianta: ła Cexa Catòłica rapresenta oncora na parte considerevołe dełe varie confesion (pasa el 70%) ma ghé xe anca Protestanti, evangełisti, Ebrei e Musulmani.