Canpana

Da Wikipedia, l'ençiclopedia libara.
Va a: navigasion, serca
Nota disambigua.svg
Nota disambigua.svg
Nota dixanbìgua - Se te sì drio sercar altri significati, varda Canpana (disanbigua)
Sto articol al é scrit in belumat
Canpana de la Chapelle Saint-Antoine a Chastel-sur-Murat, Cantal, Francia

La canpana la è an strumento musical de solito de bronzo, doperà 'te 'l mondo cristiàn pì ke sia par scandir al tenp da i canpanii de le cese o come richiamo par funžion, ricorenže o eventi che reguarda la comunità, e al gnen sonà da i canpaner. Le canpane se le destingue par la so sonada carateristica, fata da la percussion de 'n pendol de fer ciamà batocio su le pareti interne de la canpana.

Al nome[canbia | canbia sorxente]

Secont i studiós, al nome "canpana" al deriva da 'l latin vasa campana, espression ke la indichéa cadin semisferici de bronđo fati 'te la zona de Napoli, la sagoma de i quai la era recordada da le canpane.

Par latin la canpana la era ciamada tintinnabulum, co riferimento a 'l so suono.

Al insieme de le materie ke reguarda al studio de le canpane (storia, tecniche, musicologia, significati) al costituìs la canpanologia.

Storia[canbia | canbia sorxente]

Pareree ke le canpane pì veče le risale a la Cina de qualche mili ani prim de Cristo. Secont la tradižion la canpana co 'l batočo interno la è inveže na invenžion 'taljana: la saree stata introdusesta da San Paolin vescovo de Nola 'te 'l V secolo d.c., anca se no ghe n'è gnissun documento ke ghe intèste la paternità de la invenžion a 'l Santo.

Le dimension, al suono e la nota[canbia | canbia sorxente]

Al sòno de na canpana al è ligà a 'n equilibrio conplicà de spesòr ke i determina al profilo de la canpana. I spesòr i fa, insieme de la nota principàl e a i sòni paržiai, al sòno de la canpana. La nota, inveže, la è determinađa da 'l volume de la cavità inte la canpana: pì al è grant e pì gròsa la sarà la nota, pì al è čeo e pì acuta la sarà la nota. Le canpane le pol eser quindi acordade tra de lore tramite operažion specifiche ke le va a modificar al volume. Esiste diversi tipi de canpane a seconda de 'l spesòr, de la nota e de la forma. Al profilo, ke al čapa al nome de "sagoma", al pol eser diverso (par esenpio) a seconda de le esigenže de 'l posto aonde ke sarà metest la nova canpana. Esiste "sagome lidjere" e "sagome pesanti" doperade da i diversi fondiđor. La diferenža la è 'te la qualità de 'l suono fata da na canpana de sagoma pesante. In Italja de solito se fonde pì "lidjer" in confronto a 'l standard de l'Europa central.

Al magiór peso, e quindi al magiór spesór, al fa sì ke la àbie 'na pì grosa e longa vibražion del strumento oltre ke an magiór sostegno dei toni parziali, sopratuto quei de ottava inferiore e de terza maggiore, ke i a da eser presenti in ogni campana. De solito la campana in proporžion pì pesante la risulta aver an sòno in general pì càlt e pì graẑioso, mentre na campana "leggera" la è spés strident e spiacevole ale reče.

Na bona campana la pol rivar a emeter fin a 50 toni parziali, ma i pì importanti e sopratut i pì riconosibili i é (rispeto ala nota fondamental):

  • paržiale de "Prima"
  • di "Terza" (ke pol eser magiór o minór)
  • "Quinta" (ke pol eser diminuiđa)
  • "Ottava Superior" e "Ottava Inferior".

Tipi de sonada, funžion e segnai[canbia | canbia sorxente]

Canpane de cese

  • bot: bot sìngoi par sonàr le ore
  • meridiana: sonada a tre canpane fata a manca an quàrt a meodì te la česa de Vilabruna (Feltre)
  • sonada a 'na canpana: in ocasión de qualunque celebražion se al canpanil al à 'na unica canpana; sonar le avemarie se al canpanil al à pì de 'na canpana
  • sonada da mort: se sona solke do canpane par nunžiar an mort e par conpagnarlo al žimitero dopo al funeràl
  • sonar dópio: se sona a tre canpane par nunžiar la mesa (an quart de ora prima) e co se leđe al Gloria; 'te 'n žerti posti anca par conpagnar al mort a 'l žimitero
  • sonar ugnol: dopo de er sonà dopio, se sona ugnol (co na canpana solche) par ciamar la đent a messa
  • canpanò: se sona le canpane a concerto qualke dì prima de 'l santo patrono secónt le tradižion de 'l posto par nunžiar la festa
  • canpane a martel: se sona a martel par avisar ke ghe n'è an incendio o 'na aluvion, in modo ke tuti i core a jutar

Campane de edifici civici

  • Convocažion consiglio comunal
  • Mort particolari
  • Aniversari locai e\o nažionai (4 novenber, 25 aprile, 1 majo, 2 giugno e altri)
  • Ore
  • Scóla
  • Vari

Dižionario de i termini specifici[canbia | canbia sorxente]

  • CPortante: strutùra, 'na olta in lenč, incói in ghisa o aciaio, 'ndé ke vien fisà la campana basculante.
  • Asta: stanga, deta anca aspetta, toc ke vien fora dal ceppo 'ndé ke vién colegà 'na corda par meter in movimento la campana; 'te i sistemi "a slancio" l'è inseriđa inte 'na strutùra a triangol ciamađa cicogna o bilancia; 'te i sistemi a concerto (inglese, ambrosian, veronexe) e con la pì moderna eletrificažion vien spés sostituiđa dala Ruota.
  • Batocio (dal latin "Bataculum"): toc in fèr tacà a pingolón drento la campana ke baténdo contro i oposti bordi la fa vibràr e risuonàr. 'Na olta al ñea asicurà al'asola con an nervo de bue o 'na strika de cuoio, adés vien usa rinforzi e cavet in acciaio.
  • Bocce: pomi (de solito 3) ke i vien imbulonà al de sóra del contrapeso inte 'l sistema ambrosiano e le soe derivažion.
  • Contrapeso o Scatola dei contrappesi: parte de sóra del ceppo ambrosiano ke, riempiđa con piastre de fer, bilanča ralentando la rotažión dela campana.
  • Maneghere: dete anca anse. le forma la corona superiore, ričioli de bronzo ke se trova sora ala campana par colegarla al ceppo (se basculante) o al trave (se fisa) par međo de sbàre in fer e bolói.
  • Isolatore: toc de lenč ke l'à 'na importantìsima funžion in tute le campane ke se move: al' è infati mes fra le maniglie dela canpana e 'l ceppo; al asorbe le vibražion ke le ariva al'estremità de sora dela campana, ke se le continuarése le 'ñarie trasmése al ceppo superiore.
  • Perni: i è 2 cilindri ke i vanža fora da i lati de 'l portante e ke i permét al movimento. I è colegài a la strutùra fisa da cusinét, de solito a sfera.
  • Roda: la gnen colegada a destra o a sinistra de 'l portante e de la canpana. Inte la so gola cor la corda, se la canpana la è sonada a man, o na cadena ondesta se ghe n'è na automažion elètrica. Le canpane senža roda le à la asta.
  • Campana a distesa: se usa sta espresión par indicar la canpana quando ke la sgorla atorno 'an ase squasi baricéntrico e la fà an suono da no scambiarlo con al mezzo slancio o con lo slancio alto, ke i à an asse de rotažione rispettivamente sempre p' distante dal baricentro.
  • Campana a bicchiere o a concerto: se usa sta espresión par indicàr la posižión dela canpana completamente revèsa; sta posižión la vien quando ke la canpana la fà na rotažión de 180°. Ovio ke le canpane a concerto le é tìpike dei sistemi de suono con canpane ke se move; 'na olta rivađi a la posižión "a bicchiere", la canpana la vien fata giràr per far un o pì rintóki e po' tornar in quéla posižion. In žerti modi de sonàr, come 'l veronexe, la canpana a concerto la fa part de 'na sequenza preordinata de rintóki con altre campane; in altri modi la campana a concerto la pól concluder frasi musicai in modo solene o aver 'na funzion funebre.
  • Campana a slancio: varda la sežion ke segue "classificazione delle campane".
  • Campana controbilanciata: varda la sežion ke segue "classificazione delle campane".

Classificažion de le canpane[canbia | canbia sorxente]

Le canpane le pol esser classificađe in base a come che le é montade:

  • canpane fisse, cioè colegade a potrèle o sostegni
  • canpane "a slancio", o "a batocio volante"
  • canpane controbilanciade, o "a batocio cadente"

Anca se ale reče del profàn i rintoki dele canpane le pol sembrar tuti compagni, in Italia i esiste diversi sistemi de suono par canpane basculanti, o in movimento, par canpane fìse o ferme e par l'unión de questi doi tipi.

Le canpane fìse[canbia | canbia sorxente]

Le é senza ceppo, cioè contrappeso, parké no le à da compier osilažion de nisun genere; le é quindi ferme, tacađe a putrele o travi; le vien sonađe con la percusión del batoč de entro o de martèi de fòra (čiamađi "elettrobattenti" se ge n'é la elettrificažion). In Italia le canpane fìse le é squasi sempre pičole e fracađe drento te l' campanìl, speče se le fa part de 'n complèso de canpane. Nei carilon, difusi te 'l nord Europa, le riva anca a 60 o pì esemplari te 'n solo campanìl.

Le campane "a slancio" o "a batocio volante"[canbia | canbia sorxente]

Le è canpane dotade de 'n portante lidjer, cioè poch contrapesade, e par sto motiu le pol er ossilažion svelte, fando cossì bot vesini te 'l tenp un a quelaltro.

Te i sistemi a slancio "classico", par far suono le à da donder almanco i 60° de inclinažion (anca se esiste sistemi a slancio co 'l batocio dotà de 'n dopio snodo par poder sonar anca co 'l movimento pì pižol). Ten sto sistema de sonar al batocio al è ingancià sot a i perni de rotažion sichè al va a petar te 'l bronđo senper verso in sù; se diss che al batocio, che de solito al è pì pesante rispeto a i altri sistemi de montajo, al ""careža la canpana".

ten sto sistema de montajo al batocio al se destaca subito dopo al bot e quindi no 'l smorža i armonici rendendo libere le vibražion a 'l contrario de 'l sistema controbilancià. Par sto tant le canpane a slancio le mancen vibražion par pì tant tenp. Al sistema al è tipico in tuta Europa (es: "changeringing" inglese ), te 'l sistema emiljan, inte 'l centro e inte 'l Sud Italja, 'te 'l Tirol e 'ten žerte bande de 'l Triveneto.

Le canpane "controbilanciade" o "a batocio cascante"[canbia | canbia sorxente]

le è canpane dotade de 'l portante pesante, cioè tant contrapesade, e par sto tant le pol far ossilažion pitost lente, fando cossì na serie de bot distanti 'te 'l tenp un da quelaltro. Da' che le è tant contrapesade le donde fažilmente la posižion "a goto", cioè le fa fažilmente na rotažion de 180° dopo poche ossilažion. le sona pena che le gnen inclinade, parchè 'ten sto tipo de canpane al batocio al è ingancià pì in sù o a 'l stesso livel rispeto a la alteža de i perni de rotažion sichè al va a petar te 'l bronđo senpre verso al bass.

Curiosità e note[canbia | canbia sorxente]

  • Le canpane che le à de pì de 50 ani da la so fusion le è an ben artistico, tutelà quindi da la Sovraintendenža par i beni Artistici e Storici, no le pol quindi gner vendeste o fondeste da novo.
  • Ogni canpana metesta su 'n canpanil la è dedicada a un o pì Santi e la à sù decoražion a tema. In pì, quasi senper le à sù inscrižion par latin o par la parlada uficial de 'l posto che le reguarda al an de fusion, al nome de 'l fondidor e qualche olta anca de quei che, co oferte varie, i à contribuì a la fusion de quel bronđo.
  • Ten tanti posti, ogni vendre a le 15.00, se costuma infin da tenp lontani de sonar le "agonie", cioè 33 bòt in memoria de la mort de la mort de Gesù.
  • Da' che l'Italja la è caraterizada da sistemi de sonada e de montajo che i canbia da rejon a rejon (e tante olte tra le singole province), è nassest diverse società e associažion de canpaner 'te le diverse rejon 'taljane, par salvaguardar e promuover sta antica arte.
  • Inte la civiltà rural le canpane le à senper abù al conpito de sonar a 'l ruar de bruti tenporai o de la tenpesta, 'te la speranža de deslontanarli e quindi de salvar i racolt; 'te le oražion scrite sora le canpane se cata da spess ste formule: "a fulgure et tempestate libera nos Domine" opur "recedat spiritus procellarum" o "Defunctos ploro-nimbos fugo-festaque honoro".
  • San Paolino vescovo de Nola al è considerà al protetor de i canpaner. Santa Barbara, anca ela patrona de i canpaner, la cognossesta anca come la santa che proteje tute le persone che 'te 'l so laoro le à a che far co 'l pericol de mort instantanea, come i artificer, i artiljer, i carpentier (quindi anca le persone che le laora su le tor canpanarie: mecanici instalador, inpiegati de la manutenžion e canpaner), i minador e i geologi. Dess la è venerada anca come la protetrice de i Vigili del fogo.
  • Santa Barbara considerada anca ela patrona de i canpaner. La so storia la diss che dopo de esser stata serada sù 'te na tor, la sie stata martirizada par man de 'l pare, che subito dopo erghe tajà la testa al è stat ciapà da na saeta. Da lora la tradižion la ghe atribuiss a la Santa la capacità de controlar le saete. Al è ovio quindi par i canpaner torla come protetrice, da' che 'te le stesse canpane se cata inscrižion a reguardo, come che è belche stat dit.
  • Anca Sant'Antoni abate al pol esser considerà come patrono de i canpaner, da' che 'te la so iconografia al gnen representà co na canpana 'te la man.
  • Inte i tre dì de la Setimana Santa de Pasqua, 'te le cese cristiane catoliche e anglicane al è in uso de no sonar le canpane ('te 'l rito anbrosian se le sona infin a 'l nunžio de la mort de N.S. de 'l Vendre Sant), che le gnen sostituide da i cosideti "instrumenta tenebrorum": sti qua i deriva da i "semantron", cioè da tole de legn, ancora dess doperade 'te la Cesa cristianaortodossa e catolica oriental. I gnen ciamadi anca "sacrum lignum": se trata de tolete su le quale è tacà de le maneghere de fer, che co se le sgorla le bat e le fa an rumor sordo. In Spagna an strumento che 'l ghe someja al se ciama "matraca": al è de grosse dimansion e al è instalà diretamente su i canpanii. Inte la Provincia de Belun inveže se costumea sonar le sgreole.
  • Inte la California meridional, 'te 'l sito de na mission spagnola, è stat catà de 'l 1920 na canpana che la ea sù la inscrižion: "Inte 'l an 1796, 'te 'l mese de genaro, sta canpana la è stata fondesta 'te l'isola de Kodiak co la benedižion de 'l archimandrita Joaseph, durante la permanenža de Alexandr Baranov". No 'l è ciar ten che modo che sta canpana ortodossa russa, da Kodiak, citadina de la Alaska la sie dondesta cossì distante.

Audio[canbia | canbia sorxente]

Melodia sonada da le canpane de Westminster[?·info]

Video[canbia | canbia sorxente]

Varda anca[canbia | canbia sorxente]

Altri progeti[canbia | canbia sorxente]


Colegamenti esterni[canbia | canbia sorxente]