Calcio Padova

Calcio Padova

Bałon
Biancoscudati, Patavini
Segni distintivi
Maje 　 Caxa 　 Fora caxa 　 Tersa Maja
Cołori soçiałi:	Bianco co scudo roso
Ino:	Forza Padova Gianni Malatesta
Dati soçietari
Çità:	Padova
Nasion:	Itałia
Confederasion:	UEFA
Federasion:	FIGC
Canpionato:	Serie B
Fondasion:	1910
Presidente:	Marcello Cestaro
Ałenador:	Alessandro Dal Canto
Stadio:	Stadio Euganeo (32.420 posti)
Sito web:	www.padovacalcio.it
Palmares
Trofei nasionałi:	1 Copa Itałia de Serie C
Trofei Internasionałi:	1 Copa Itało-Fransexe

El Calcio Padova ła xé ła squadra de bałòn de Pàdova. El campo 'ndove che i zuga el xé el stadio Euganeo (32.420 posti da sentarse). I colori deła squadra i xé quei deła sità de Pàdova, el bianco e el rosso, rento ło scudo.

Storia

Fondà el 29 xenaro 1910, int'eła stagiòn 1922-1923 el se clasifica primo nel Girone C deła Lega Nord. Nel Girone finałe de quel campionà el racimoła sol che on punto in quatro partie, e el vien eliminà. Ała riforma dełi campionai deła stagiòn 1929-1930 el Pàdova el vien inserio int'eła Serie A, ma ła permanensa neła massima serie ła dura na soła stagion a causa deł'immedià retrosesiòn int'eła Serie B. Ała fin deła stagiòn 1931-1932 el va de novo int'eła Serie A.

El xé stà incredibiłe queło che el Padova, allenà dal paròn Nereo Rocco, el gà fato neła stagiòn 1957-1958: coła formula del "catenaso e contropiede" el riva 3° int'eła Serie A, e el diventa ła sorprexa de quel campionà.

I ani sesanta e setanta i se riveła avari de sodisfasioni bałonisteghe, fata esesiòn par el 1967: par ła cavalcada del club biancoscudà, 'ncora rełegà int'eła Serie B, verso ła finałe de Coppa Italia, xugà contro el Milan de Trapattoni e Rivera e persa par 1-0.

Int'el 1981 el Padova el vinse la Coppa Italia Semiprofessionisti, uncò Coppa Italia di Serie C.

Int'el 1983 el Padova el perde ła finałe del Torneo Anglo-Italiano col Cosenza.

Dopo la retrosesiòn int'eła Serie C1 dovua al famoxo caxo de iłesito sportivo (Caso Padova) int'el 1985, e dopo dò stagioni in 'sta categoria, el Padova el ritorna int'eła Serie B. El ritorno in Serie A el vien int'el campionà 1993-1994, dopo trentadò anni, cò gh'el vinse par 2-1 ło spareggio col Cesena.

L'an ch'el vien, dopo un campionà caratterixà da risultai importanti contro łe grandi (vitorie a Padova su Milan e Inter, e on clamoroxo 1-0 al delle Alpi ałi dani deła Juventus) ma modesti contro łe piciołe, el se salva grasie ało spareggio col Genoa, xugà a Firenze e desixo ai rigori.

Nella stagione successiva non riesce a bissare l'impresa, retrocedendo con un girone di ritorno privo di mordente culminato con sconfitte eclatanti.

Dopo on salto ał'indrìo che ło gha portà a disputare dò stagioni int'eła Serie C2, el Padova el xé risalio int'eła Serie C1.

Int'eła stagiòn 2006-2007 i patavini i no parte ben, par poi riprenderse nel giròn de ritorno coł'arrivo ała guida de Andrea Mandorlini, che gà sostituio Maurizio Pellegrino; ła squadra, però, ła conclude ła stagione al setimo posto, fora dała xona play-off.

El 18 marso 2008, Ezio Rossi el vien esonerà a causa dei scarsi risultai. El vien ciamà el tecnico deła Berretti, Carlo Sabatini. Ła stagiòn 2007-2008 no ła portarà comunque ła tanto atexa promosiòn int'eła Serie B.

Int'eła stagiòn 2008-2009 el Padova el xuga el so primo campionà de Lega Pro, ex-Serie C1. Na bona partensa ła pare vegnare vanificà da on cało a metà capionà, cò Sabatini el vien sostituio da Attilio Tesser; ma dopo on fià de xornae, Sabatini el xé ciamà indrio parché i risultai i ałontana sempre de pì el Padova dała xona promosiòn. Ła vitoria ał'Euganeo del Ravenna ła par metare fin ałi sogni de promosiòn del Padova, ma na incredibiłe serie de sinque partie vinte ła porta el Padova int'ełi play-off. Ełiminà ło steso Ravenna, el Padova el vinse el confronto finałe coła Pro Patria e el torna in Serie B dopo dodexe ani. A ła fine de ła stagiòn 2009-2010 el se ga salvà batendo rente un sparegio la Triestina, rimanendo cusita in Serie B.

Cołegamenti forèsti

• Sito Uficiałe
• Sito Supporters