Ca' Pesaro

Da Wikipedia, l'ençiclopedia libara.
Va a: navigasion, serca

Ca' Pesaro (scrita anca Ca' Pexaro) el xe un palazzo de Venexia situà inte'l sestier de Santa Crose, da le bande de Campo San Stae.

Fazzada de Ca' Pesaro

Storia[canbia | canbia sorxente]

El Palazzo el xe stà prozetà inte'l XVII secolo da l'architeto Baldisser Longhena par volotà de la fameja nobile dei Pesaro. Inte'l 1682, ano che xe morto Longhena, el palazzo el jera uncora incompio e el completamento el xe stà fidà a Zuanantonio Gasparo, che el lo gh'ha portà a termene inte'l 1710 respetando el prozeto orisenal.
Dal la prestizosa fameja dei Pesaro, el palazzo el ghe xe passà in sevito al Gradenigo, sucesssivamente el xe stà doparà cofà colezo dai Pari Armeni Mechitaristi. El xe vegnuo in fin aquistà da la fameja Bevilaqua. Xe stà propio la dogaressa Felicita Bevilaqua La Masa a destinarlo a galaria de arte moderna.

El Palazzo uncuò[canbia | canbia sorxente]

Uncuò el palazzo el xe sede de la zà citada Galaria de Arte Moderna e del Museo de Arte Oriental de Venexia.