Céxa dei Gexuati

Sto articolo 'l 'è scrito in venesian.

Ła céxa dei Gexuati

Ła céxa de Santa Maria del Rosario, comunemente più conosùa co'l nome de Céxa dei Gesuati xe un edificio lerigióxo situà a Venesia 'ntel sestièr de Dorsoduro.

Indice

1 Storia
2 Descrisión
3 Altre somegie
4 Łigamenti foresti
5 Altri progeti

[canbia] Storia

El nome Gexuati riva da ł'ordene rełigioxo, sopreso 'ntel 1666, che ne ł'area gaveva 'na céxa e soratuto un gran convento, cronpà po' dai domenegani.

Ła céxa xe ła sede prinsipàl de ł'anpia parochia omonema, che se esténde da ła Ponta de ła Dogana fin a San Trovaso. Apartien ała parochia dei Gesuati come céxe susidiarie ła céxa del Spirito Santo e ła Baxéłega de Santa Maria de ła Sałute. Ricasca 'ntel teritorio de ła parochia dei Gesuati anca łe céxe de Sant'Agnexe e de Santa Maria de ła Visitazione(dita anca dei Artigianelli), che xe céxe conventuałi autonome gestìe diretamente dai frari che tutora gà un so monastièr ne łe midiàte adiacense.

[canbia] Descrisión

El sofìto de Giovanni Battista Tiepolo

Ł'atual edificio xe stà costruìo 'ntel periodo 1724-36 par conto dei frari domenegani, co' ł'agiuto economico de tuta ła sità, organixàda ancora tramite łe Arti e Confraternite. Architeto de ła céxa xe stà Giorgio Massari. Ła costrusión a ł'esterno prexenta dei motivi paładiani mentre ł'interno in stiłe baroco venesian se prexenta a 'na navàda. Notevołe xe 'l vano abisdałe tanto łuminoxo, co' statue e basoriłievi de Giovanni Maria Morlaiter e 'l coro łigneo drìo al grando alter maxor.

I afreschi del sofìto rafiguranti el ciclo de ła Madona del Rosario, a cui xe dedicàda ła céxa, xe stài reałixài da Giovan Battista Tiepolo.

Anca łe capełe lateràne xe de pregevołe fatura e se desferensia in particołar i dipinti de ła prima capeła a sànca (San Domenico che benedice un laico dell'ordine senpre del Tiepolo), de ła tersa capeła a sànca (Crocifissione del Tintoretto), del primo altèr su ła drita (rispetivamente San Domenico e i frati domenicani, entranbi òpara de Giovanni Battista Piazzetta.

Ł'inpónente fasàda domina el trato omonimo de ła Fondamenta de łe Zàtare e se spècia diretamente sòra el Canal de ła Zueca.

Conpleta el conpleso 'na alta cuboła rivestìa in pionbo, afiancàda da do caxànse canpanarie.