Céxa de Sant'Alvise

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Céxa de Sant'Alvise
Ła Céxa de Sant'Alvise
Ła Céxa de Sant'Alvise
Locałità Venesia
Coordinae

45°26′51″N 12°19′45″E / 45.4475, 12.3292

Rełijon Catołega
Diocexi Patriarcà de Venesia
Stiłe architetonego Gotego
Inisio costrusion 1383
Conpletamento 1388
Sito web

Coordinate: 45°26′51″N 12°19′45″E / 45.4475, 12.3292

Ła céxa de Sant'Alvise xe un edificio lerigióxo de ła sità de Venesia, situà 'ntel sestièr de Canaregio, afasà 'ntel canpo omonimo.

Storia[canbia | canbia sorxente]

Ła céxa dedicàda a San Lodovìgo da Tołosa, a Venesia famoxo conosùo cofà Sant'Alvise, xe stàda fata costruìr 'ntel 1383 da ła xentildòna Antonia Venier, insieme a 'l monastièr xontà, 'ntel pónto che ghe xe stà sugerìo dal Santo che deso ghe xe aparso in sogno. In sto monastièr se gà ritirà ła stesa dona, seguìndo ła regoła agustìniana.

Descrisión[canbia | canbia sorxente]

Costruìa co' senplici modułe gotiche, a pianta baxełegàl.

Ła fasàda xe senplicisima, se ghe nòda sìe lesene un fià spòrxenti, cołegàe da archéti ogivałi che segue tuto 'l coronamento.

El portàl in piera de Istria, xe richìo da 'na statua quatrosentesca del santo.

Statue, altèri e màlmari sìesenteschi parecia łe paréde.

A rendar ancora più beła sta céxa ła prexénsa del barco, el tìpego coro pènsiłe, soreto da do cołone fiłiformi e barbacàni gotici. Altro aspeto un mondo beło łe gràde in fero batùo drìo a łe quałe se scondèa łe mùneghe.

Soto, a sànca del barco, ghe xe òto tołéte rafeguranti epixodi biblici, atribuìe a Lazzaro Bastiani.

Łe òpare de maxór prestigio de ła céxa, xe tre dipinti de Giambattista Tiepolo reałixài infra 'l 1737 e 'l 1470:Incoronazione di spine e Flagellazione su ła navàda drita e Salita sul monte Calvario su 'na paréde del presbiterio. Beło, posto danànsi a sto ùltimo quadro, anca 'l dipinto de Angelo Trevisan Orazione di Cristo.

Su'l setesentesco alter in maramo połicromo ała paréde sànca xe poste tre statue atribuìe a Giovanni Maria Morlaiter.

El canpanièl ga' mantegnùo 'l so aspeto orixinàl gotico del XIII secoło. Se prexenta in còto co' un còspedo a pigna e co' gułie sui cantóni.

El convento de łe mùneghe su ła banda drita gera orixinalmente formà da do giòstri dei quałi deso ghe ne resta intato soło che uno, e da un portegà co' cołone in stiłe gotico e archi a tuto sesto. In tenpi moderni el convento xe stà ocupà da łe Figlie della Carità.

Sito web de ła parochia[canbia | canbia sorxente]

Bibliografia[canbia | canbia sorxente]

Le chiese di Venezia, Marcello Brusegan; Ed. Newton Compton 2008

Altri progeti[canbia | canbia sorxente]