Céxa de San Nicołò dei Tołentini

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Céxa de San Nicołò dei Tołentini
Ła fasàda de ła Céxa de San Nicołò dei Tołentini
Ła fasàda de ła Céxa de San Nicołò dei Tołentini
Locałità Venesia
Coordinae

45°26′15″N 12°19′20″E / 45.4374, 12.3221

Rełijon Catołega
Diocexi Patriarcà de Venesia

Coordinate: 45°26′15″N 12°19′20″E / 45.4374, 12.3221

Ła cexa de San Nicołò dei Tołentini dita I Tołentini xe un edificio lerigióxo de ła sità de Venesia, 'ntel sestièr de Santa Croxe, no łontàn da Piasal Roma. L'aneso convento dei Tołentini xe atualmente sede de l'Università IUAV de Venesia (architetura).

Storia[canbia | canbia sorxente]

Ła céxa xe stàda progetàda e reałixàda da Vincenzo Scamozzi intra 'l 1591 e 'l 1602. Indriomàn Andrea Tirali ghe gà xontà ała fasàda non finìa, un pronao co' tìnpano e sìe cołone corinsie (1706-1714).

Come 'ntel caxo de ła céxa de San Salvador, anca sta céxa xe stàda colpìa duranti i bonbardamenti strìaci del 1849; 'na bała de canón, cascàda 'vanti de l'altèr maxór sfondràndo ła cùboła (deso dimésa), xe deso incastonàda ne ła fasàda, a ricordo de l'epixodio.

Descrisión[canbia | canbia sorxente]

L'interno xe decorà co' dipinti del XVII secoło. Ghe xe conservàe òpare de Jacopo Palma il Giovane e del Padovanino. Xe qua sepełìi i doxi Giovanni I Corner, Francesco Corner, Giovanni II Corner e Paolo Renier. El monumento funebre del véscovo Francesco Morosini xe stà reałixà dal scultór xenovéxe Filippo Pardodi.

La céxa ospita el maxéngo òrgano baròco costruìo dal Pietro Nacchini 'ntel 1754 squaxi intato patòco, in cantoria łignea in caìn absidałe pareciàda da do puti ałà in legno dorà in banda.

La casa del strumento prexenta decori in legno sexełà rafeguranti do tełoni disendenti dal centro del tìnpano che sorasta ła casa andando a fenìr ne łe ałe łaterane del strumento, a sta decorasion finemente depenta cołor oro xe picàe sculture łignee de strumenti a fià ed orixinałi antighi strumenti a corda de prexiàda fatura artexanałe, anca questi xe dipinti de cołor oro.

Atualmente xe sede uficiałe de l'Orchestra Mosaico Barocco e del "Gruppo Arcieri" de ła stesa, cui diretor xeneral xe el M° Marco Basso che dal 2002 xe organista titołar deła parochia.

Voxe łigàe[canbia | canbia sorxente]

Altri progeti[canbia | canbia sorxente]


Siti da vardàr[canbia | canbia sorxente]