Céxa de San Lio

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Céxa de San Lio
Ła fasàda
Ła fasàda
Locałità Venesia
Coordinae

45°26′15″N 12°20′19″E / 45.4375, 12.3386

Rełijon catołega
Diocexi Patriarcà de Venesia
Inisio costrusion IX secolo

Coordinate: 45°26′15″N 12°20′19″E / 45.4375, 12.3386

Ła céxa de San Lio xe un edificio lerigióxo de ła sità de Venesia, situà 'ntel sestièr de Casteło. Se łeva su ł'ultimo canpo, ne la diretrice Rialto-San Zaccaria.

Storia[canbia | canbia sorxente]

Xe stàda costruìa 'ntel IX secoło da ła famegia patrisia venesiana dei Badoer e ła xe stàda intitołàda a santa Caterina d'Alessandria.

'Ntel 1054 xe stàda intitołàda a san Leone (San Lio in łengua veneta) in onór del papa Leone IX, che gavea puxà ła cauxa de Venesia nel ràdego de ła tutèła sul patriarcàdo de Grao ne ła cataìsa contro el patriarcàdo de Aquileia, sorta 'ntel 1043, quando ch'el doxe Domenico I Contarini gaveva sotràto Grao al patriarca de Aquileia Poppone di Carinzia.

'Ntel XV secoło xe stà caxamentà da nòvo el presbiterio e a łe so bande xe stài tirài su do altèri.

Ła céxa gà subìo alcuni rimanixamenti e ła xe stàda radicalmente strasformàda 'ntel 1783.

Descrisión[canbia | canbia sorxente]

Giovanni Mansueti Miracolo della reliquia della Santa Croce in Campo San Lio (1494). Su'l sfóndro apare ła fasàda de ła céxa.
Drento ła céxa

Ła céxa in orìxene gaveva forme bixantine co' schema baxełegàl a tre navàe che xe stàe ełiminàe 'nte ła trasformasión setesentesca a favor de 'na unica auła granda interna; in sta ocaxión, inaxònta, xe stà butà xò el canpanièl. A ł'interno se conserva alcuni dipinti e sculture:

Sòra ła pòrta de ła capeła a sànca de ła maxór, se trova el monumento funebre del "capitano del mar" Andrea Pisani morto 'ntel 1718.

Infinaménte ła céxa conserva un organo setesentesco e dipinti de ła scòła venesiana co' Fatti della vita di David e Vergine con putto.

Bibliografia[canbia | canbia sorxente]

Le chiese di Venezia, Marcello Brusegan; Ed. Newton

Altri progeti[canbia | canbia sorxente]