Bissa de la pioa
|
Sto articol al è scrit in dialet belumat (bełunexe)
|
La bissa de la pioa (nome sientifego Salamandra salamandra) la è an urodelo che fa parte de la fameja Salamandridae.
Indice |
Descrižion [canbia]
La bissa de la pioa se la cognoss facilmente par al so color negro co vistose mace giale.
La bissa de la pioa la donde i 15-20 cm de longheža total (coda conpresa), e le mastce le è in genere pì longhe e grosse de i mastci. Le mastce le è ovovipare, e le fa mudoi inte ricatei, roje o altri cors de aqua ossigenadi polito. I mudoi i à branchie e quatro žate ben svilupade. I mudoi i se diferenžia da altri de urodeli par la presenža de mace ciare a la base de le žate. Inte žerte popolažion de montagna de bissa de la pioa, le mastce le è vivipare e le fà boat conpletamente svilupadi e pronti par la vita terestre.
Abitudini [canbia]
I adulti i fà na vita discreta, e i è de solito ativi solche de not, o durante al tenp piovoss e umido (da sto tant gnen al nome "bissa de la pioa"). I abita diversi tipi de bosch, pì che sia de latifoglie missiadi, de fagher e castegner, pì che sia arent cors de aqua.
Ghe n'è poca diferenža fra mastci e femene. I mastci se i cognoss par la sagoma de solito pì magra, e par an gnoch te 'l cul, aonde che le celule spermatiche le è conservade 'te na strutura ciamada spermateca. La fecondažion la è interna 'te le femene, che le tira sù la semenža assada su 'l teren da 'l mastcio durante 'l acopiament. I mastci i se cata da dir durante 'l periodo de 'l calor (che al canbia secont la posižion geografica).
Inte la Europa meridional, la bissa de l apioa la è ativa pì che sia de otuno e de primavera, e no la se ritira in letargo invernal. In Europa central, inveže, la è ativa in primavera e in istà, e la va in letargo durante i mesi pì fredi.
Distribužion [canbia]
La à na anpia distribužion in Europa, 'te la fassa magrebina, i Balcani e la Asia Minor.
Sotspecie [canbia]
La specie Salamandra salamandra la à an numero variabile de sotspecie ricognosseste infin dess: 16 sotspecie, de le quale 13 presenti in Europa. Žerte le è state in seguito descrite come specie separade. In Italia la è representada da S. salamandra salamandra propria de le region alpine e da Salamandra salamandra grigolii, endemismo italico distribuì 'te le Alpi Maritime e in tut al Apenino, infin a la Calabria.
Miti e credenže popolari [canbia]
La bissa de la pioa la è stata ogeto durante i secoi de miti e credenže, tra le quai che n'è quela che la pode sopraviver a 'l fogo. Sto tant al è de 'l tut sbaljà parchè la so pel umida la la rende delicata in presenža de fonti de calor e anca distante da l'aqua. La è inveže in part vera la credenža che la è velenosa: le so ghiandole de la pel difati le pol far an liquido che brusa te le mucose; sta sostanža la è na difesa contro i predator, che i gnen avisadi de 'l pericol da la coloražion aposematica de la spece.
Bibliografia [canbia]
- Museo civico di Storia Naturale di Ferrara - Atlante on-line degli Anfibi e Rettili dell'Emilia Romagna http://ww2.comune.fe.it/storianaturale/index.phtml?id=130
- Kuzmin, S. et al. 2004. Bissa de la pioa. In: 2008 IUCN Red List of Threatened Species. IUCN 2008.
Altri progeti [canbia]
Su Commons ghe xe dei file multimediałi su Bissa de la pioa
Ligami foresti [canbia]
- Scheda del Museo de Storia Natural de Ferara
- Scheda del Servizio Parchi Emilia Romagna
- (FR) Ecologia de la Salamandra pezzata
