Biagio Marin

Da Wikipedia, l'ençiclopedia libara.
Va a: navigasion, serca
Sto articolo 'l xe scrito in graixan

Biagio Marin xè un poeta graisàn nato ‘ntel 1891 e morto ‘ntel 1985.

Vita[canbia | canbia sorxente]

‘L hà studiao prima a Gorisia a le scuole in lingua tedesca - soto l’Inpero d' i Asburgo -, e dopo a Pisin in Istria. In sto piriodo, Marin ‘l ha inscuminsiao a scrive poesie in tedesco.

‘Ntel 1911 ‘l se trasferise a Firense ‘ndola che ‘l entra in contato co’ i anbinti culturali più inportanti de ‘l epoca, comò al circolo de la “Voce”. ‘L ano dopo ‘l va a studià filoxofia a Viena, ‘ndola che ‘l se ferma per dò ani prima de tornà a Firense.

‘Ntel 1915 ‘l se sposa co’ Pina Marini: i varà cuatro figi, tra cui Falco che ‘l murirà durante la guera.

Durante la Prima Guera Mondial al varave de combate co’ i austriaci, ma al diserta e ‘l se aruola comò volontario ‘ntel esercito taliàn.

Dopo la guera, al se laurea in filosofia co’ Giovani Gentile a Roma, ‘ndola che ‘l insegna per do ani. Dopo, ‘l fa al profesor e al dirigente scolastico a Gorisia. De ‘l 1923 a ‘l 1937 ‘l fa ‘l diretor de la spiagìa de Gravo. Dopo, ‘l và a Trieste a insegnà e a curà la biblioteca de le Asicurasiuni Generali. Durante la Resistensa ‘l fa parte de ‘l CNL de Trieste.

‘Ntel 1963 ‘l torna a Gravo, ‘ndola che ‘l starà fin a la morte ‘ntel 1985.

Opere[canbia | canbia sorxente]

La produsiòn de Biagio Marin la xé principalmente in dialeto graisàn.

Le principali racolte de poisie xé:

  • ”Fiuri de tapo” (1912)
  • "Le litànie de la Madona" (1949)
  • ”I canti de l'isola” (1951 che la contien dute le poisie giovanili)
  • ”Dopo la longa istae” (1951)
  • "Solitàe" (1961)
  • "Elegie istriane" (1963)
  • "In non tempo del mare" (1965)
  • "El mar de l’eterno" (1967)
  • "I canti de l’isola" (1970) che la contien dute le poisie publicae fin ‘l 1969
  • "La vita xe fiama" (1972)
  • "A sol calao" (1974)
  • ”Pan de pura farina” (1976)
  • "El critoleo del corpo fracasao" (1976, dedicagìa a Pasolini)
  • ”Stele cagiúe” (1977)
  • "In memoria" (1978)
  • "Nel silenzio più teso" (1980)
  • "Poesie" (1981)
  • "La vose de la sera" (1985)


Marin ‘l hà scrito anche per taliàn (“Acquamarina” ‘ntel 1973).

‘L valor de la produsion leteraria de Marin ‘l xè stao ricogniusuo de i ani Setanta de ‘nteletuali de livelo nasional comò Claudio Magris, Pier Paolo Pasolini e Carlo Bo.


Altri progeti[canbia | canbia sorxente]


Colegaminti esterni[canbia | canbia sorxente]