Bangladesh

El Bangladesh, nome uficial Republica Popolare del Bangladesh, el xe un paese de l'Asia meridional. Giograficamente el se cata su la fertile pianura del delta de Gange e Brahmaputra, e el xe sogeto a le inondassion anuali dei monsoni e dei cicloni. El confina a ovest, nord, est co l'India più un tochetin a sud-est co la Birmania. A sud el xe bagnà dal Golfo del Bengala. Insieme col stato indian del Bengala Ocidental el costituisse la rejon etnica-lenguistica del Bengala. El nome Bangladesh vor dir infati "Paese del Bengala" in lengua uficial bengalese. El Paese el se stende su 144.000 km², e el gà na popolassion de 153 milioni de abitanti.^[1]

I confini de l’odierno stato del Bangladesh i le gà stabilìi co la spartission tra Bengala e India nel 1947, co che sta rejon la xe deventà el toco oriental del novo stato del Pakistan, siben che la fusse separà dal Pakistan ocidental da ben 1.600 km atraverso de l'India. Na serie de discriminassion lenguistiche, politiche ed economiche la gà portà a dele agitassion popolari contro el Pakistan ocidental. Nel 1971, dopo na sanguinosa guera de indipendensa xe nato el Stato del Bangladesh. El novo Stato el gà dovesto soportar carestie, catastrofi naturali e povertà difusa, oltre a vari sconvolgimenti politici e colpi de stato militari. Dopo el ripristino de la democrassia nel 1991 ghe xe stà na relativa stabilità e un pochetin de progresso economico.

El Bangladesh el xe uno dei paesi piassè densamente popolà del mondo e el gà un alto tasso de povertà. El fa parte del Commonwealth, de la SAARC, BIMSTEC, de l'OIC, e del D-8. Come rilevào da la Banca Mondial 'ntel lujo 2005, el paese el gà fato dei progressi significativi in tel svilupo umano nei setori de l’alfabetizassion, in te la parità de scolarizassion e in te la ridussion de la créssita de la popolassion.^[2]

[canbia] Altri progeti

Su Wikinotizie ghe xe de łe notisie de atuałità su Bangladesh

Su Commons ghe xe dei file multimediałi su Bangladesh

[canbia] Note

[canbia] Colegamenti esterni

Scheda del Bangladesh dal sito Viaggiare Sicuri - Sito curà dal Ministero dei Esteri e da l'ACI
The Daily Star - El prinsipal quotidiano in lengua inglese del Bangladesh
Dhaka Courier - Un setimanal indipendente in lengua inglese
Ricete dal Bangladesh
Informassion de viajo sul Bangladesh - dal sito Lonely Planet (in inglese)