Axedo

Da Wikipedia, ła ençiclopedia libara.

L'axédo o axéo el xe un liquido acido che se otien grazsie a l'azsion dei Acetobacter, che in prexenzsa de aria i òsida l'etanoło che ghe xe in tel vin, 'ntel sidro, 'nteła bira e altre bevande alcoliche fermentè, e i le trasforma in acido acetico. L'è doparà comunemente par far da magnar, o come condimento del pese e de ła sałata.

Ła parola ła vien dal latin acetum, che ła gà ła stesa raìxa etimołogica del verbo acere, inacidire. Senpre dal latin (vinum acre, vino acido) vien el termine francexe vinaigre. Dal francexe de na olta deriva l'inglese vinegar e el spagnolo vinagre.

In Itałia l'axedo i lo fa soratuto col vin (bianco o roso). Un prodoto conosù asè in tuto el mondo l'è l'axedo balsamico de Modena.