Assedio de Padoa

Da Wikipedia, l'ençiclopedia libara.
Va a: navigasion, serca
Assedio de Padoa
Parte de la Guera de la Lega de Cambrai
Data: 15 - 30 de setenbre 1509
Posto: Padoa, Italia
Èxito: Vitoria venexiana
Schieramenti
Sacro Romano Inpero,
Francia,
Stato de la Cesa
Republica de Venexia
Comandanti
Massimilian I Nicolò de Pitiglian,
Andrea Griti
Efetivi
40 000,
120-200 cannoni
15 000

L' Assedio de Padoa le xe stà una de le prinçipali bataje ne le fase iniziali de la guerra de la Lega de Cambrai.

El 17 de lujo 1509 le forze venexiane comandà da Andrea Griti la gavea ciapà la sità de Padoa, che la jera presidià dai lanzichenechi assoldài da l'Inperador Massimilian I. El sovrano austriaco, el cui esercito el gavea ocupà la sità diversi mesi prima, el ga costituìo quindi na nova armada, conposta prinçipalmente da mercenari, e el ga invaso el Veneto sercando de riconquistar Padoa.

Ai primi de agosto del 1509, Massimilian l'è partìo da Trento con un esercito conposto da sirca 35 000 uomini e el ga pontà a sud verso i teritori venexiani; intanto a le so forze se ga zontà dei contigenti francesi e papali. Par via de la mancansa de cavài e de na organizazion in zeneral mìa tanto bona, l'armada inperial la xe rivà a Padoa solo a metà setenbre, dàndoghe cussì tenpo a Nicolò de Pitiglian par consentrar tuto quel che restava de l'esercito venexian dopo la sconfita de Agnadelo, nonché varie conpagnìe de volontari provenienti da la sità de Venexia.

L'assedio el xe intacà el 15 de setenbre. Par do stimane l'artilieria inperial e francese la ga bonbardà la sità riussendo a verzar dei sbreghi su le mura, ma i soldà venexiani i xe riussìi a respìnzar indrio i nemici quando sti qua i ga proà a entrar in sità. El 30 setenbre Massimilian, non podendo pi pagar i so mercenari, el ga abandonà l'assedio, lassando in Italia solo un distacamento picenin guidà dal Duca de Anhalt, e el se ga ritirà in Tirolo con gran parte de l'armada. La sconfita la xe stà un duro colpo par Massimilian e de conseguensa el Sacro Romano Inpero no'l ga pi podùo tentar un'altra invasion in Italia fin al 1516.

Bibliografia[canbia | canbia sorxente]

  • Norwich, John Julius (1989). A History of Venice. New York: Vintage Books. ISBN 0-679-72197-5.
  • Taylor, Frederick Lewis. The Art of War in Italy, 1494-1529. Westport: Greenwood Press, 1973. ISBN 0-8371-5025-6.