Asiago (formajo)
Da Wikipedia, ła ençiclopedia lìbara.
| Formajo Asiago DOP | |
|---|---|
| Paese de origine: | Italia |
| Setor: | Formai |
| Xona de produzion: | Provincia de Vicensa e de Trento e parte de quele confinanti de Padoa e Treviso |
| Riconosimento DOP/IGP: | Reg. CE 1107/96 |
| Consorsio de tutela: | [1] |
El formajo Asiago el xe un formajo a pasta cota o semicota ke ła Republica de Venesia meteva in comercio in tuto el Mediteraneo fin dal medioevo. El vien fato col late dełe vache deł'Altopian dei sete comuni, ma ła xona de produsion ła ciapa drento anca łe provinçe de Trento, de Trevixo e de Padova ('ndove ke ghe xe łe risorgive).
[canbia] Diverse sorti de Asiago
- Asiago dolse
Formajo fresco, fato col late intiero, el vien stagionà dai 20 ai 40 dì, el xe pi graso e dolse de saor.
- Asiago d'ałevo
Formajo scremà, co almanco 4 mesi de stagionadura. Pi ke'l diventa vecio, pi el diventa picante.
-
- Asiago mexaneło, stagionà 4 mesi,
- Asiago mexan, stagionà 6 mesi,
- Asiago vecio, stagionà 1 ano,
- Asiago stravecio, stagionà 2 ani.
El formajo Asiago el xe anca conosù come Montegrasso, sopratuto en te la provincia de Verona, par distinguarlo dal Monte Veronexe, chel xe fato en na maniera simile so l'altopiano de la Lesinia.
