Aquiłeja

Da Wikipedia, l'ençiclopedia libara.
Va a: navigasion, serca
Wikipedia:Projeto/Progetto geografia/Antropica/Comuni Aquiłeja
[[Image:{{{panorama}}}|300px|Panorama di Aquiłeja]]
Aquiłeja - Stemma
Nome ufficiale: {{{nomeUfficiale}}}
Stato: bandiera Itałia
Regione: Friuli-Venezia Giulia-coat-of-arms.png Friułi-Venesia Julia
Provincia: Udine
Coordinate:

45°46′0″N 13°22′0″E / 45.76667, 13.36667Coordinate: 45°46′0″N 13°22′0″E / 45.76667, 13.36667

Altitudine: m s.l.m.
Superficie: 36 km²
Abitanti: 3 470  
Densità: 96,4 ab./km²
Frasion: Bełigna, Belvédare, Vioła, Monastero 
Comuni contigui: Fiumiceło, Gravo (GO), Terso d'Aquiłeja, Viła Vicentina
CAP: 33051
Prefiso teł: 0431
Còdexe ISTAT: 030004
Codice catasto: A346 
Nome abitanti: aquiłejexi 
Santo patrono: Santi Ermacora e Fortunato 
Giorno festivo: 12 de lujo 
El comune se trova qua
Posision del comune ne l'Itałia


Sito istitusionałe

Aquiłeja (pronunsà anca Aquiłegia; Acuilêe o Aquilêe en friułan) el xé un comun de 3 470 abitanti de ła provincia de Udine, traversà dal fiume Natixon. Co Ravena, ła xé al pì inportanto sito archeołòxego del'Itałia setentrionałe.

Storia[canbia | canbia sorxente]

Fondà 'ntel 181 a.C. cofà cołònia de dirito łatin en un teritorio influensà da pì culture e da poco occupà dai Gałi Transalpini, ła çità prima xé cresiua quałe baxe miłitare par łe canpagne contro i Istri, e contro vari popołi, frai quałi i Carni e poi par l'espansion romana verso el Danubio.

Mosaico del Bon pastor, partigołar del pavimento de ła Baxìłica de Aquiłeja

Da sto roło derìa ła forma quadriłàdera del presidio miłidar, divixa dal cardine màsimo, l'atuałe via Julia Augusta, e dal decumano màsimo. Pacificà e romanisà ła region, ła çità, munisipio dopo l'89 se gà grandia en faxi sucesìe, cofà testano łe difarenti sinte murarie. Ła xé divegnùa çentro pułìtego-aministrativo (cavedal de ła Regio X Venetia et Histria) e prospero enporio, avantagià dal łongo sistema portuałe e da ła raxera de inportanti strade che ghe dipartiva sia par el Nord, oltre łe Alpi e fin al Bàltego ("via del'anbra"), sia en senso łatitudinałe, da łe Gałie al'Oriente.

Fin da tarda età republicana e dorante quaxi tutta l'època inperiałe Aquiłeja gà costituio un dei grandi sentri nevralgeghi del'Inpero Roman.

Notevołe xé stà ła vita artìstiega, sostegnua da ła richesa dei comitenti e dal'intensedà dei tràfeghi e dei contati.

I prestamenti difensivi, potensiai fral II e el III secoło, łe gà permetuo de soverar i asedi dei Quadi e dei Marcomani (166), e del'inperator Masimin el Trace, che łì gà perduo ła vita (238).

Anca si ghe xé stà ła Crixi del III secoło che łà se gà reperquotua masa, ła çità, sede de numeroxi ufixi e istitusioni autoréołi, risultava ancora, a ła morte del'inperador Teodoxio (395), ła 9° çità del'Inpero e la quarta de Itałia, cèłebre par łe soe mura e par el porto. 'Ntel IV-V secoło se gà intensificà łe prexense inperiałi e muci scontri sanguenoxi i gà rixolto contexe fradriside (Costantin II, 339; Magnensio, 350) o epixodi de uxurpasion: Teodoxio gà sconfito Magno Màsimo (388); Vałentinian III e gà copà Joani (425).

Aquileja la ga esercità na nova funzion moral e cultural co xe rivà el cristianesimo, che se dise sia sta predicà da San Marco, e che el s'à svilupà grazie a na serie de vescovi che i ga subìo el martirio (Ermacora e Fortunato, Ilario e Tanziano, Crisogono). Papa Pio I el dovaria èsar nato a Aquileja. Col vescovo Teodoro (morto zirca nel 319) la Cesa la se ga espresso publicamente con aule de culto splendidamente mosaicade. I vescovi de Aquileja i xe cressù de inportanza nei secoli seguenti, dandoghe un vigoroso contributo al svilupo del cristianesimo osidental sia soto el profilo dotrinario (celebre e decisivo par la lota contro l'arianesimo xe sta el concilio del 381, che el ga interessà tute le cese d'Osidente) sia par l'autorità esercità (Aquileja la xera metropoli per na ventina de diocesi in Italia e na diesina de là de le Alpi). Se pol vedar in proposito la lista dei Patriarchi de Aquileja.

Aquileja la ga tegnùo bota a le ripetute incursion de Alarico (401, 408) ma non a Attila, che quando xe cascà zo incidentalmente un toco de muro de fortificazion el xe sta bon de penetrar ne la città devastandola (452) e, se dise, fasendo spandar la sal su le so roìne. De Aquileja xe sopravissùa l'autorità de la so cesa e el mito di na sità che l'era sta potente, anca se ormai el suo dominio direto el se limitava a un teritorio picenin che'l gavea i so punti de forza ne l'area urbana con el scalo maritimo e nel borgo de Grado. Quest'ultimo el se ga svilupà e el xe deentà senpre pi inportante a seguito de l'invasion Longobarda del 568. Da sto momento la region de Aquileja la xe sta spartìa fra i romano-bizantini (che i ga ocupà la zona litoranea) e i Longobardi (la parte interna). La sità però la ga continuà a darghe el so nome al patriarcato omonimo, anca quando, nel XV secolo, la xe sta ocupà dai Venexiani. Nel 1509 la xe sta anessa al Sacro Romano Inpero, seguendo sucessivamente le sorti dei Asburgo (a parte na breve parentesi napoleonica), fin a la so definitiva riunion al resto del Friul e a l'Italia indopo de la Prima Guera Mondial.

Posti da nar vedar[canbia | canbia sorxente]

La Baxéłega patriarcal[canbia | canbia sorxente]

El canpanil e la baxéłega
Flag of UNESCO.svg Bene proteto da l'UNESCO
Patrimonio de l'umanità
Zona archiologica e baxéłega Patriarcal de Aquileja
Archaeological Area and the Patriarchal Basilica of Aquileia
Udine aquileia2.jpg
Tipologia storico
Criterio C(iii) (iv) (vi)
Pericolo nisuna indicazion
Anno 1998
Scheda inglese
francese
Patrimoni de l'umanità in Italia

La Baxéłega de Aquileja la mantien 'ncora desso le forme che la gavea ne l'XI secolo, anca se dopo de lora i ga fato vari interventi.

La prima parte i la ga tirà su ne l'anno 313, indopo de l'editto de Milan che el ga abolìo el paganesimo come religion ufizial de l'Inpero, par volontà del Vescovo Teodoro. La jera fata da do aule paralele, conesse da na trasversale. Tra el 1021 e el 1031 i la ga ricostruìa squasi par intiero, par desiderio del Patriarca Popone, e i ga tirà su el canpanil isolà, alto 73 metri, a cuspide, che el ga fato da prototipo par le costruzion furlane e istriane.

Indopo del teremoto del 1348, la Baxéłega la xe sta ulteriormente restaurà, con interventi in stile gotico, tra el 1350 e el 1381. Infine ghe xe sta dele sovraposizion de matrice rinasimentale, soratuto par quanto riguarda le decorazion de la zona del presbiterio, nel periodo de la dominazion venexiana.

La fazada la xe a doppio spiovente, e la se verze al spazio antistante atraverso na bifora e un pòrtego. L'interno el xe a cróse latina, a tri navade e el presenta el presbiterio rialzà.

Tra le vece mura, se ga conservà un straordinario pavimento a mosaico dei primi del IV secolo, con scene de l'antico testamento, che el xe particolarmente interesante parché, se ne la contenporanea pitura ne le cataconbe a Roma se scuminsiava a vedar na senplificazion del stile doparà, a fronte de pi granda imediatezza de la rafigurazion e un sinbolismo marcà, a Aquileja se nota 'ncora un stile naturalìstego de matrice elenistica, siben zà pienamente adeguà a la nova sinbologia cristiana.

Se nota quindi el "pésse", ictus in greco, acronimo de "Iesus Cristos Teu Uios Soter" (Gesù Cristo Salvador fiol de Dio), le storie de Giona, esenpio de l'Antico Testamento alusivo a la morte e risurezion in tri giorni, el bon pastor ecetera.

I mosaici, in un stato de conservazion ecezional sia par anpiezza, che par conpletezza de le scene e intaresse iconografico, i se cata ne la vecia baxéłega de Aquileja, que la dei "batezè", parché a Aquileja ghe jera anca na seconda cesa, rente la prima, par i catecumeni, quei cioè che no i gavea gnancora vuo el batesimo, secondo l'usanza de inalora de batezarse solo da adulti, che quindi i jera spesso la magioranza dei fedeli.

A l'inizio de la navada de zanca, se pode entrar ne la Cripta dei Scavi dove se vede i resti de la Baxéłega Paleocristiana.

Evołusion demogràfega[canbia | canbia sorxente]

Abitanti censii