Angela Merici

Da Wikipedia, l'ençiclopedia libara.
Va a: navigasion, serca
Desenzano statua Angela Merici.jpg

Statua de sant'Angela Merici a Desensano del Garda

Angela Merici (Desensan del Garda, 21 de marso 1474Bressa, 27 de genaro 1540) xe stà na religiosa veneta, fondatrice deła Compagnia dełe dimese de sant’Orsoła. Ła xe sta proclamà santa da papa Pio VII el 24 de majo 1807;

Biografia[canbia | canbia sorxente]

Ła xe nata a Desensano, ałore 'ntel teritorio deła Republica de Venesia.

Ła xe restà orfana a ł’età de diexe ani e insieme co ł’ultima soreła ła se ga trasferìo in caxa de so zio a Sałò[1].

Quando so soreła ła xe morta inprovisamente sensa aver ricevù i ultimi sacramenti, ła xovane Angela ła xe restà on mucio małe; ła xe diventà tersiaria de Francesco d'Asisi.

A vint'ani - ała morte de so zio - ła xe ritornà a Desensano. Convinta che el major bisogno ai so tenpi el gera de dare 'na miglior istrusion rełigioxa ałe putełe ła ga trasformà ła so caxa in te 'na scoła dove ła riuniva łe putine de Desensano par insegnarghe i elementi del cristianeximo.

Dopo aver fondà 'na scuoła a Desensano, ła ghe ne gà fondà n'antra a Bresia.

Quando, nte ł’ano del Giubileo 1525, ła xe 'ndà a Roma par otegner ł’indulgensa, papa Clemente VII che el gaveva sentio parlar de eła e del so suceso come insegnante rełigioxa de putełe, ła ga invità a restare a Roma; ma Angela, che ła evitava ła publicità, ła xe ritornà a Bresia.

Ała fine, el 25 de novenbre 1535, Angela ła ga sielto vinti vergini e posto łe fondamenta de ł’ordine dełe Orsołine in te na casa picinina visin ała Ciesa de Santa Afra a Bresia. Dopo esare sta superiora del novo ordine ła xe morta.

El so corpo el xe sta sepolto nte ła ciexa de Santa Afra a Bresia. Ła xe sta beatificà ntel 1768 da Clemente XIII e canonizà ntel 1807 da Pio VII.

Note[canbia | canbia sorxente]

  1. St. Angela Merici in Catholic Encyclopedia. (en inglexe) Encyclopedia Press, 1917.