Algarve
L'Algarve el xe ła rejon pi meridional del Portogało cintinental. El conprénde na subrejon omònema e el corispónde, par intiero al distréto de Faro. Ła cavedal ła xe Faro. Ła superfisie ła xe de 4 960 km², e el ga ma popołasion de 395 208 abitanti (dati 2001). Oltra a Faro, łe xe considerae çità anca Albufeira, Lagoa, Lagos, Loulé, Olhão, Portimão, Vilamoura, Quarteira, Silves, Sagres, Tavira e Vila Real de Santo António.
La rejon ła xe dividésta in 16 munisipi:
- Albufeira
- Alcoutim
- Aljezur
- Castro Marim
- Faro
- Lagoa
- Lagos
- Loulé
- Monchique
- Olhão
- Portimão
- São Brás de Alportel
- Silves
- Tavira
- Vila do Bispo
- Vila Real de Santo António
L'Algarve el confina a nord có ła rejon de l'Alentejo, a est có ła Spagna (Andałuxìa), invése a sud e a òvest el xe bagnà da l'ósèano Atlàntego. El nome Algarve el riva dal àrabo "al-gharb al-Andaluz", nome dat ai atuałi Algarve e Basso Alentejo durante ła dominasioan àraba e che el vol dir (Andałuxo Osidental), séndo ła part osidental de l'Andałuxìa musulmana. Ste rejon spagnołe e portoghéxe łe jera ła part pi inportante de ła Spagna musulmana, çéntro de ła cultura, de ła siensa e de ła tecnołoxìa. Pi tardi, inte'l XV sècol, có l'espansion portoghéxe, l'Agarve el xe tornà a èsar un çéntro tecnołòxico e sientìfego de fama mondial par ła navigasion, la giografìa e la cartografìa.
L'Algarve el ga spiaje e paesaji naturałi fantàstisi e el xe ła prima rejon turìstega portoghéxe. Ła màsima ełevasion ła xe ła Serra de Monchique. Uno dei pi grandi coinplési turìsteghi euopei el xe propio in Algarve: ovéro Vilamora, visin a ła spiaja de Falésia.
L'Algarve el xe stà l'ùltima parta del Portogało a èsar stà conquista definitivaménte dai Mori, durante el regno de Don Alfónso III. Inte i sècołi XIV e XV ła jera in funsion a Sagres, inte'l estremo sud-òvest, visin al Cavo de São Vicente, na scuola de navigasion e cartografìa, fondada da l'infante Don Enique (fiol del re Joani I), fondamental durante l'època de łe scoverte portoghéxi.
