Juto:Voxe da jutare

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Juto:Voxe da jutar

Łe voxe da jutare łe xe voxe, probabilmente scrite in presa o da utenti poco esperti, el cui liveło de cuałità o cuantità del testo el xe masa baso rispeto a łe aspetative de sta ensiclopedia, xe cuindi nesesario mejorarle parché łe devente acetabiłi e evitar che łe vegna scansełae.

Wikipedia no ła xe un contenidor verto a calsiasi roba: serti contributi no i xe acetai; in particołar se dimanda che ogni singoła voxe ła sia sufisentemente ciara e ła fornisa a chi che ła lexe informasion juste. Łe informasion łe ga da esar in cuantità superior a na tełegrafega definision linguistega, dato che Wikipedia no ła xe un disionario. Se preferise no 'ver ła voxe pitosto che verghine una curta, poco conprensibiłe e scrita małe.

Inte i caxi pì estremi, łe voxe no se considera gnanca da jutar, ma łe vien scansełae suito.

Xe da notar che ła scarsa cuałità de łe voxe da jutar se riferise soło che al stato atuałe de ła pajina, cioè ła forma e 'l testo; no ga gnente a che far co ła cuałità del sogeto, overo co ła so ensiclopedisità che ła ga altri recuixiti. Jutare no rivarda gnanca 'l aspeto estetico: na voxe da wikifegar , ma co contegnui vałidi, ła xe na voxe acetabiłe.

De sołito xe sufisente un picoło sforso par mejorar na voxe da jutar, basta che se conosa un minimo el argomento de cui ła parla. Xe sufisente portar ła voxe almanco a un livel de aboso, che ła xe na voxe senplise e destinà a cresare ma che ła xe xà vałida e acetabiłe.

Se'l problema el xe soło che ła xe masa curta, el sogeto, soratuto se no xe fasiłe slongarla, el podaria esar tratà inte n'altra voxe. In sto caxo ła sołusion ła xe unir el poco testo a ła voxe prinsipałe.

Se se trata de na tipega voxe da disionario se pol pensar de trasferirla là.

Se al momento no se xe boni de jutar ła voxe, xe mejo segnałarla xontando in sima a ła pajina el avixo {{A}} . Łe voxe da jutar che xe xà sta segnałae łe xe rancurae inte ła varie sotocategorie de Categoria:Da jutare. Uno de i tanti modi par contribuir a Wikipedia xe vardar ste categorie e jutar a sistemar łe voxe.

Pajine ligae[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Juto:Voxe_da_jutare&oldid=902170"