Ajuto:Scansełasion imediata

Pajine da scansełare (Archivio)

Regołe par łe scansełasion • Criteri de voto • Criteri de scansełasion imediata

Se te se zà come fare: Zonta • Ajorna

– Sporteło informasion

Criteri de scansełasion immediata

Inte i seguenti caxi, previo controło de ła storia de ła voxe, se połe dimandare ła scansełasion imediata de nà pajina sensa inserirla inte'l elenco de łe pajine da scansełare:

1. pajine vode, de prova, sensa significà o contegnui sensai (esempi: "ciao", "ma se poe scrivare qui?", "ajaissnsdfuf"), pajine tautołoxiche (contegnudo uguałe o equivałente al titoło en termini de contegnudo informativo), bufałe e palexi stubidagini;
2. voxi contegnenti soło fraxi ofensive e/o volgari e/o comunque difamatorie/denigratorie verso persone, asiende, istitusion ed enti en xenerałe;
3. voxi scrite conpletamente inte na łéngua diversa dal vèneto, opure tradote có sistemi de tradusion automatega o semi-automatega (babelfish e simiłi);
4. voxi dal contegnudo pałexemente nó ençiclopedico; pajine o imagini promosionałi, par es. costituie unicamente da cołegamenti esterni (conprexe Wikipedie en altre łéngue) e/o spam che reclamixe prodoti, servisi o persone (incluxe note autopromosionałi); curricula vitæ personałi, specie se scriti en prima persona;
5. pajine orfane, có titoło sbałià e dal contegnudo identico a altre pajine xà prexenti (i requixiti ga da esare contenporaneamente prexenti: se łe fuse soło che orfane łe ndaria linkae, se łe fuse soło che có el titoło sbałià ałora łe va spostae a cueło coreto, se łe fuse soło che identiche a on'altra łe va unie a cueła – l'identità fra nà voxe-lista e nà categoria nó ła xe raxon de scansełasion);
6. categorie sensa voxi e senza subcategorie (có l'ecesion de alcune categorie de servisio oportunamente segnałae);
7. pajine xà scansełae par decisiòn de ła comunidà e reinserie sensa che i sia stài eliminà i modivi che ne gà conportà ła scansełasion;
8. pajine provixorie creà par l'inversion del redirect;
9. redirect có erori de batitura inte'l titoło opure redirect a pajine che nó existe;
10. discusion e sotopajine de pajine xà scansełae, se el contegnudo nó prexenta argomenti de valensa pì xenerałe;
11. imagini contenporaneamente dopie e orfane, opure nó funsionanti, vode o xà prexenti so Commons;
12. imagini in evidente viołasion de copyright;
13. pajine interamente copiàe da fonti pa' łe quałi l'autorixasion xe stà espliçitamente negada e testi che i vioła el copyright, pa' i quali xe praticamente inposibiłe atenderse nà "donasion" (ad exempio el testo de na canson che gapia manco de 70 ani da ła morte del autor o un testo copià da MSN Encarta);
14. imagini da verifegare da oltre nà setimana (fa fede l'avixo al'utente);
15. pajine del namespace "Utente:" el cui titoło nó corisponde a nisun utente registrà;
16. pajine trasferie ad altri projeti secondo prosedura;
17. sotopajine del namespace "Utente:" o "Discusion utente:" ła cui scansełasion xe richiesta dal'utente steso (exempi: "Utente:Tisio/Sotopàxena" o "Discusion utente:Tisio/Archivio");
18. file mìa utiłi al'ençiclopedia;
19. modèło vecio, sostituìo e mia pì adoperà (i requixidi i gà da esar sodisfà contemporaneamente)
20. mesajo de ła interfacia de MediaWiki obsołeto o zà prexente su Translatewiki.net

---

• I aministradori i cata l'elenco de łe pajine segnałae en stò modo inte ła Categoria:Da scansełare suito.

Prosedura de segnałasion

Conpiti de i utenti

Quando te cati na pajina che la rientra inte i criteri descriti, fała notar a i aministradori in sto modo qua:

• Uxa ła dicitura {{scanseła suito|''modivo''}}, sostituendo modivo có na to motivasion o có el numàro rełativo a ła motivasion (varda sovra).

Se la pajina nó ła xè mìa masa ofensiva, nó oscurarne el contenuo, par rendar pì agevołe el laoro de i aministradori che i ga da controłare ła to proposta. En caso contrario nó exitar a farlo.

Dopo ver salvà, te aparirà el mesajo de scansełasion imediata e ła pajina ła sarà inserìa inte ła apoxita categorìa. Conpatibilmente có i tenpi tènici, ła sarà scansełà en breve tenpo.

Conpiti de i aministradori

I aministradori i scanseła suito le pajine che łe rientra inte i criteri descriti sovra, sensa discusion.

Prima de ła scansełasion, i aministradori i controła:

1. che no ghe sia mìa versioni precedenti sensade.
2. che eventuałi redirect i sia orfani (con la funsion "Punta qua"!)

I aministradori i se inpegna a controłar frequentemente la categorìa par scansełar quanto inserìo da i utenti.

Nota: ła scansełasion de na pajina no ła conporta mìa ła scansełasion de ła relativa discusion (se ła existe) e viceversa; par cui va scansełae entranbe una a ła volta, en caso el sia necesario.