Abraham Nicolas Amelot de la Houssaye

Da Wikipedia, l'ençiclopedia libara.
Va a: navigasion, serca

Nicolas Amelot de la Houssaye (Orléans 1634 - Parigi 1706) el xe sta on storego fransexe.

I particołari deła vita de Amelot i xe poco ciari al de fora del fato che el xe sta nominà 'ntel 1669 segretario d'anbasada a Venesia.

'Nte ła so Storia del governo de Venesia, el intendeva spiegare, e soratuto criticare, l'aministrasion deła Serenisima e metare in evidensa łe cauxe deła so decadensa. L'opara ła xe vegnù fora 'ntel marso del 1676 sensa alcuna disaprovasione da parte del governo fransexe. Ciò el ga provocà łe proteste de ł'anbasadore veneto, Giustiniani. Ł'autore el xe sta sarà par siè mixi ała Bastiglia.

'Na seconda edision, con suplementi ła xe sta publicà subito dopo, rinovando ancora łe proteste venesiane e ł'edizione ła xe sta vietà. Sta persecusion, al contrario, ła ga fato 'na publicità straordinaria a st'opara che ła ga conosesto vintido edision in tre ani, e paréce tradusion.

Amelot el ga publicà 'ntel 1683 'na tradusion deła 'Storia del concilio de Trento de Paolo Sarpi, 'ntel quałe el ga zontà alcune note che contrarie a ł'autorità del Papa.

Soto ło pseudonimo de La Motte Josseval, Amelot el ga publicà on Discorso połitego so Tacito, 'ntel quałe el ga anałisà el caratare de Tiberio.

El ga inoltre conposto 'na Storia de Guglielmo di Nassau, publicà 'ntel 1754, e el ga łasà dełe Memorie storeghe, che łe ga 'vudo ła reputasion de esare picanti, ma poco precixe.

Giacomo Casanova, 'ntel 1768, quando che 'l gera sarà in prexon 'ntel carcere de Barcełona, el ga scrti 'na confutasion deła Storia del governo de Venesia.