ACF Fiorentina

Da Wikipedia, l'ençiclopedia libara.
Va a: navigasion, serca
A.C.F. Fiorentina
Bałon Football pictogram.svg
Fiorentinastemma.png
Vioła, Gìliati
Segni distintivi
Maje
Manega sanca
Manega sanca
Majeta
Majeta
Manega dreta
Manega dreta
Braghete
Calsetoni
Caxa
Manega sanca
Manega sanca
Majeta
Majeta
Manega dreta
Manega dreta
Braghete
Calsetoni
Fora caxa
Manega sanca
Manega sanca
Majeta
Majeta
Manega dreta
Manega dreta
Braghete
Calsetoni
Tersa maja
Cołori sociałi Viola.svg Vioła
Ino Ła Canson Vioła
Marcello Manni (1930)
Dati societari
Çità Flag of Florence.svg Firense
Paexe bandiera Itałia
Confederasion UEFA
Federasion Flag of Italy.svg FIGC
Canpionato Serie A
Fondasion 1926
Rifondasion 2002
Presidente Flag of Italy.svg Mario Cognigni
Ałenador Flag of Italy.svg Vincenzo Montella
Stadio Artemio Franchi
(47.282 posti)
Sito web it.violachannel.tv
Palmarès
Scudetto.svgScudetto.svg Coccarda Coppa Italia.svgCoccarda Coppa Italia.svgCoccarda Coppa Italia.svgCoccarda Coppa Italia.svgCoccarda Coppa Italia.svgCoccarda Coppa Italia.svg Supercoppaitaliana.png Coppacoppe.png
Scudeti 2
Trofei nasionałi 6 Cope Itałia
1 Supercope itałiane
Trofei internasionałi 1 Cope de łe Cope
Se invita a seguir el schema del Projeto Spor

Ła Associazione Calcio Fiorentina (Asociasion bałon Fiorentina) (conozesta cofà ła Fiorentina) el xe un club de bałon Itałian, de ła çità de Firense, capołogo de ła Toscana. El xe stà fondà inte'l 1926 e el xuga scuaxi senpre inte ła Serie A.

Ła Fiorentina ła xe sta ła prima scuadra del canpionato tałian a rivare inte ła finałe de ła masima conpetision eoropea de bałon (Copa dei Canpioni 1956-57) e ła prima, senpre de'l canpionato tałian, a vinsere ła Copa de łe Cope (1960-61). A liveło nasionałe, ła Fiorentina ła ga vinto do volte el scudeto (inte łe stajon 1955-56 e 1968.69) , sie volte a Copa Itałia e na Supercopa itałiana (inte'l '96).

Istòria[canbia | canbia sorxente]

Da ła fondasion a ła seconda Guera Mondiałe[canbia | canbia sorxente]

Ła Fiorentina ła nase el 26 de agosto del 1926 da ła fuxion de ła Pałestra Ginastica Fiorentina Libertas e del Club Sportivo Firense. El presidente el xe Luigi Ridolfi Vay da Verrazzano. Ła prima maja ła xe bianca e rosa: i cołori de Firense e de i do club che se jera pena fuxi. Ła prima partia uficiałe ła se xoga so'l canpo de via Bellini, el 3 de otobre del 1926. Se trata de ła prima vitoria uficiałe de ła Fiorentina: un 3-1 al Pixa.

Inte'l 1929 vien indosà pa' ła prima volta ła maja vioła, pa' vołontà del presidente Ridolfi. Inte ła stajon 1930-31 i vioła i vinse el canpionato de Serie B, e i vien cuindi promosi in Serie A. Inte'l setenbre 1931 vien inprimà, co ła partia contro l'Admira Viena, el Stadio Giovanni Berta, futuro "Artemio Franchi", opara del inxegner Pier Luigi Nervi. El 20 de setenbre del 'steso ano ła Fiorentina ła xoga, a Miłan e contro el Miłan, ła so prima partia in Serie A parejando 1-1. A ła fine de ła stajon i vioła i xe cuarti in clasifica e capocanonier del torneo el xe, co 25 gol, Petrone, sentravanti uruguaian dei giłiati. Inte ła stajon 1934-35 i vioła i riva tersi e i ga cusì ła posibiłità de partesipar, 'l ano dopo, pa' ła prima volta inte ła so 'storia, a na conpetision eoropea. El 16 de giugno del 1935 ła scuadra de Firense ła exordise cuindi a Budapest, in copa Mitropa, contro 'l Újpest, e ła vinse par 2 a 0.

Inte ła stajon 1937-38 ła retrosede in Serie B, ma ła risałe suito in Serie A. Inte'l 1940 ła Fiorentina ła vinse el so primo trofeo: ła Copa Itałia, batindo 1-0 in finałe el Xenoa. Inte'l 1943 el canpionato el vien sospexo cauxa seconda Guera Mondiałe.

I do scudeti[canbia | canbia sorxente]

I primi ani '50 i vede na progresiva cresita in termini de rexultai sportivi de ła scuadra giłiata. Inte ła stajon 1955-1956 ła Fiorentina del presidente Enrico Befani, alenà da Fulvio Bernardini, ła vinse el so primo scudeto, co sincue xornate de antisipo e 12 ponti de vantajo so ła seconda. I titołari de cheła scuadra i jera Sarti, Magnini, Cervato, Chiappella, Rosetta, Segato, Julinho, Montuori, Virgili, Gratton e Prini. Soło che Segato e Gratton i ga xogà tute łe 34 partie. Ła vitoria de ła Serie A ghe consente a i vioła de xogar ła Copa Canpioni. Ła Fiorentina ła riusirà rivar in finałe sensa perdar gnanca na partia, ma ła perdarà propio ła finałe 2 a 0 contro el Real Madrid, che, dato che se xogava al Santiago Bernabéu de Madrid, el xugava in caxa.

Dopo de ła vitoria del scudeto ła soçetà giłiata ła rivarà seconda in canpionato pa' cuatro stajon drio fiła. Inte'l 1961 i vioła, alenai da Nándor Hidegkuti, i riese a vinsare do titołi: na Copa Itałia, batindo in finałe ła Lasio par 2-0, e ła Copa de łe Cope, batindo inte na dopia finałe i Rangers Glasgow. Co sta vitoria ła Fiorentina ła deventa ła prima scuadra itałiana a vinsare na copa internasionałe. Anca ne ła stajon dopo i vioła i riese rivar in finałe de Copa de łe Cope ma stavolta i vien batui dal Atlético Madrid.

Par tuti i ani '60 i giłiati i resta inte łe prime poxision de ła Serie A. Inte'l 1966 i vioła i vinse ła so tersa Copa Itałia, batindo in finałe el Catanxaro par 2-1. Inte'l 'steso ano i vinse anca ła Copa Mitropa batindo i sloveni del Jednota Trenčín par 1-0. Inte ła stajon 1968-69 ła Fiorentina, alenà da Bruno Pesaola, ła vinse el so secondo scudeto.

I ani '70 e '80[canbia | canbia sorxente]

Inte'l 1975 i vioła i vinse ła so cuarta Copa Itałia, batindo 3-2 el Miłan, e ła Copa de Liga Itało-Inglexe, batindo el West Ham.

Inte i ani '80 riva a ła presidensa i Pontello. Inte ła stajon 1981-82 i vioła i se contende el scudeto co ła Juve fin a l'ultema xornada: a ła fin vinse ła Juve che ła riese a batere el Catanxaro, mentre i vioła no i va oltre al parejo co'l Całiari. Serti epixodi dubi avegnui inte sta ultema xornada (el rigore dato a i bianco-neri e 'l gol anułà a i vioła) i ndarà a alimentar ncora de pì ła fortisima rivałità tra i vioła e ła scuadra torinexe e i xe al orixene del moto de i tifoxi mejo secondi che ladri.

Da ła stajon 1986-87 inisia un progresivo declin de ła scuadra, i problemi economisi i portarà i Pontello a vendare i mejo xugadori. Ła cesion de Roberto Baggio a i rivałi de ła Juve , ano 1990, ła scatenarà ła rabia de i tifoxi contro i Pontello, che un mexe dopo i vendarà ła soçetà a Mario Cecchi Gori.

L'era Cecchi Gori[canbia | canbia sorxente]

Dopo do ani de canpionati da metà clasifica, inte ła stajon 1992-93 a sorprexa, visti i xogadori d'esperiensa rivai inte'l mercà estivo, ła Fiorentina, ła retrosede in Serie B. 'L ano dopo ła Fiorentina del presidente Vittorio Cecchi Gori, guidà dal tenico Claudio Ranieri, ła torna suito in Serie A. Inte'l 1996 i vioła i vinse ła Copa Itałia, batindo l'Atałanta, e ła Supercopa itałiana, batindo 2-1 a San Siro i canpioni d'Itałia del Miłan. Inte'l 1997 Ranieri no'l vien confermà, al so posto riva Alberto Malesani. 'L ano dopo xe ła volta de Giovanni Trappattoni: al so primo ano el porta ła scuadra al terso posto e donca a ła partecipasion a ła Copa de i Canpiuni del ano dopo. Inte'l giugno 2001 i vioła i vinse ła sesta Copa Itałia batindo in finałe el Parma.

Inte'l istà del 2001 vien invià na prosedura de fałimento pa' ła soçetà giłiata, che ła vende scuaxi tuti i mejo xugadori, ma no basta. Inte ła stajon 2001-02 i vioła i retrosede in Serie B. Ma ła soçetà no riusirà a iscrivarse a ła seconda serie e ła vegnarà dichiarà falia.

Ła nova Fiorentina de i Della Valle[canbia | canbia sorxente]

Nase na nova soçetà ciamà Fiorentina 1926 Florentia che ła vien iscrita a ła Serie C2. Ła vien suito cronpà da Diego Della Valle che ła rinomina Florentia Vioła: 'l obietivo el xe cheło de riportar ła scuadra de Firense in Serie A in tri ani. El canpionato de Serie C2 el vien vinto e donca ła scuadra ła vien promosa in Serie C1. El 15 de majo del 2003 Della Valle el cronpa a l'asta i cołori de ła vecia Fiorentina, de conseguensa dopo pochi xorni ła soçetà ła torna aver uficialmente el vecio nome. Pochi mixi dopo, a cauxa del caxo Catania, che'l porta a na riformułasion del canpionato de Serie B da 20 a 24 scuadre, ła soçetà giłiata ła vien ripescà diretamente in Serie B.

Inte ła stajon 2003-04 ła Fiorentina ła riva sesta in Serie B e batindo el Perugia al sparejo ła torna in Serie A. 'L ano dopo ła scuadra vioła, dopo un canpionato difiçiłe, ła se salva a l'ultema xornada grasie a ła clasifega avulsa. Inte ła stajon 2005-06 riva so ła panchina Cesare Prandelli che'l porta ła scuadra al cuarto posto, ma a cauxa de calciopułi no ła podarà ndar in Champions. 'L ano dopo, pur partindo co na penałixasion de 19 ponti (ridoti dopa a 15), ła riese rivar cuinta e cuałificarse pa' ła Copa UEFA. Inte ła stajon 2007-08 i vioła i riva a ła semifinałe de Copa UEFA e al cuarto posto in canpionato, donca i se cuałifica pa' i preliminari de ła Copa Canpiuni. Anca inte l'anata sucesiva i riese a cuałificarse pa' la Copa pì inportante, e stavolta i rivarà fin a i otavi contro el Bayern Monaco, che a ła fin el se xogarà ła final contro 'l Inter, persi grasie anca a na clamoroxa svista arbitrałe. 'L otimo camin in Copa Canpioni però no'l xe conpagnà da rexultai in canpionato a l'altesa de łe anate presedenti. A fine stajon Prandelli el va ałenar ła nasionałe de bałon e al so posto riva el tenico serbo Siniša Mihajlović. Mihajlović el resta alenador fin al novenbre 2011, cuando che'l vien exonerà. Al so posto vien ciamà Delio Rossi che però, prima de finir ła stajon, el vien sostituio da Vincenzo Guerini.

Cronistoria[canbia | canbia sorxente]

Cronistoria de l'ACF Fiorentina S.p.A.
  • 1870 · Nase el Club Sportivo Firense
  • 1908 · Nase el Firense Football Club
  • 1910 · Ła Pałestra Ginastica Fiorentina Libertas istituise na sesion calcistega
  • 16 de lujo 1922 · Ła Libertas perde el sparejo co'l Inter par l'amision in Prima Divixion

  • 26 de agosto 1926 · Fuxion infrà el C.S. Firenze e la P.G.F. Libertas nase l'Asociasion Calcistega Fiorentina
  • 1926-27 · 6ª inte ła Liga Nord Giron C de Prima Divixion
  • 1927-28 · 2ª inte ła Liga Sud Giron D de Prima Divixion - Promosa d'uficio in Divixion Nasional
  • 1928-29 · 16ª inte'l Giron B de Divixion Nasional - Retrocesa in Serie B
  • 1929-30 · 4ª in Serie B

  • 1930-31 · 1ª in Serie B - Promosa in Serie A
  • 1931-32 · 4ª in Serie A
  • 1932-33 · 5ª in Serie A
  • 1933-34 · 6ª in Serie A
  • 1934-35 · 3ª in Serie A
  • 1935-36 · 12ª in Serie A
  • 1936-37 · 9ª in Serie A
  • 1937-38 · 16ª in Serie A - Retrocesa in Serie B
  • 1938-39 · 1ª in Serie B - Promosa in Serie A
  • 1939-40 · 13ª in Serie A
    Coccarda Coppa Italia.svg Vinsitrise de ła Copa Itałia (1º titoło)


  • 1956-57 · 2ª in Serie A
    Finalista de Copa de i Canpiuni
    Vinsitrise de ła Copa Grasshoppers (1º titoło)
  • 1957-58 · 2ª in Serie A
  • 1958-59 · 2ª in Serie A
  • 1959-60 · 2ª in Serie A

  • 1960-61 · 7ª in Serie A
    Coccarda Coppa Italia.svg Vinsitrise de ła Copa Itałia (2º titoło)
    Coppacoppe.png Vinsitrise de ła Copa de łe Coppe (1º titoło)
    Vinsitrise de ła Copa de łe Alpi (1º titoło)
  • 1961-62 · 3ª in Serie A
  • 1962-63 · 6ª in Serie A
  • 1963-64 · 4ª in Serie A
  • 1964-65 · 4ª in Serie A
  • 1965-66 · 4ª in Serie A
    Coccarda Coppa Italia.svg Vinsitrise de ła Copa Itałia (3º titoło)
    15px Vinsitrise de ła Copa Mitropa (1º titoło)
  • 1966-67 · 5ª in Serie A
  • 1967-68 · 4ª in Serie A
  • 1968-69 · Scudetto.svg Canpion d'Italia (2º titoło)
  • 1969-70 · 5ª in Serie A

  • 1970-71 · 12ª in Serie A
  • 1971-72 · 5ª in Serie A
  • 1972-73 · 4ª in Serie A
  • 1973-74 · 6ª in Serie A
  • 1974-75 · 8ª in Serie A
    Coccarda Coppa Italia.svg Vinsitrise de ła Copa Italia (4º titoło)
  • 1975-76 · 9ª in Serie A
    Vinsitrise de ła Copa de Liga Itało-Inglexe (1º titoło)
  • 1959-60 · 3ª in Serie A


  • 1990-91 · 12ª in Serie A
  • 1991-92 · 12ª in Serie A
  • 1992-93 · 15ª in Serie A - Retrocesa in Serie B
  • 1993-94 · 1ª in Serie B - Promosa in Serie A
  • 1994-95 · 10ª in Serie A
  • 1995-96 · 3ª in Serie A
    Coccarda Coppa Italia.svg Vinsitrise de ła Copa Italia (5º titoło)
  • 1996-97 · 9ª in Serie A
    Supercoppaitaliana.png Vinsitrise de ła Supercopa Italiana (1º titoło)
  • 1997-98 · 5ª in Serie A
  • 1998-99 · 3ª in Serie A
  • 1999-00 · 7ª in Serie A

  • 2000-01 · 9ª in Serie A
    Coccarda Coppa Italia.svg Vinsitrise de ła Copa Italia (6º titoło)
  • 2001-02 · 17ª in Serie A - Retrocesa in Serie B - Fałimento de ła soçetà
  • 1° de agosto 2002 · Ła soçetà rinase come Florentia Viola e ła vien iscrita in Serie C2
  • 2002-03 · 1ª inte'l Giron B de Serie C2 - Promosa d'uficio in Serie B
  • 2003-04 · 6ª in Serie B - Promosa in Serie A
  • 2004-05 · 16ª in Serie A
  • 2005-06 · 9ª in Serie A (declasà dal 4º posto da parte del CAF par ilecito inte'l scandało de Calciopułi)
  • 2006-07 · 6ª in Serie A par penałixasion inflita da ła CAF
  • 2007-08 · 4ª in Serie A
  • 2008-09 · 4ª in Serie A
  • 2009-10 · 11ª in Serie A

Palmarès[canbia | canbia sorxente]

Trofei uficiałi[canbia | canbia sorxente]

1955-1956, 1968-1969
1939-1940, 1960-1961, 1965-1966, 1974-1975, 1995-1996, 2000-2001
1996
1960-1961
1957
1966
1975

Trofei xovaniłi[canbia | canbia sorxente]

[canbia | canbia sorxente]

Statisteghe[canbia | canbia sorxente]

Record[canbia | canbia sorxente]

Tifuxi[canbia | canbia sorxente]

I tifuxi de ła Fiorentina i xe xemełai co chei del Catanxaro, co chèi del Toro e co chèi del Hellas Verona. Ła rivałità pì grosa ła xe sensa dubio cheła co ła Juventus.