Łéngua mòchena
| Mocheno (Bersntoler sproch) † | |
|---|---|
| Parlà in: | Italia |
| Persone: | ~2.278 |
| Clasifica: | |
| Scritura: | Latina (in precedenza Fraktur e Sütterlin) |
| Fiłogenexi: |
Indoeuropee |
| Statuto ofiçiałe | |
| Stato: | proteto in provincia de Trento |
| Regolà da: | nessuna |
| Codexe de clasificassion | |
| ISO 639-1 | de |
| ISO 639-2 | ger |
| ISO 639-3 | deu |
| SIL | GER (EN) |
| Łengoa - Elenco de łe łengoe - Łenguìstega | |
Ła łéngoa mòchena (in mòcheno bersntoler sproch) ła xe na łéngoa de orìxen todesca parlà dal grupo ètnego dei mòcheni, che i se cata inte tre comuni de ła banda oriental de l'omònema vałe (Vałe del Fèrsina/Bersntol) inte ła provinsia de Trénto, de Fierozs/Vlarotz, Frasiłóngo/Garait e Pałù del Fèrsina/Palae en Bersntol.
Ła par èsar na direta derivasion de l'alto todésco antigo inportà inte'l Medioevo, a ła fin del XIII sècoło.
Dopo de ła represion de l'època fasista, có ła proibision de l'uso de ła łéngoa todésca, e dopo el disintarese del secóndo dopo-guera, sol a partir dai ani sesanta se ga vù na lénta revałutasion de questa e de łe altre menoranse łéngoìsteghe prexénte inte'l teritorio de ła provinsia de Trénto.
I parlanti i xe al stato atual poco pi de domiła; pa'l pasà l'àrea de difuxion ła jera na scianta pi granda, fin a calche séntro e maxo ceo de ła banda setentrional e osidental de ła Valsugana e de łe vałae setentrionałe.
El mòcheno no'l va confondest con Sinbro, łéngoa da łe orìxene comune, che ła cuerdéa, e in parte ła cuerde incóra uncuò, na estension rełativa a l'àrea del Trentin, de ła Valsugana, fin a łe provinsie de Vicénsa e de Veróna.
Cołegaménti esterni [canbia]
- Sito ofisial de ła comunità Mòchena-Bersntol, có disionario tałian-mòcheno e publicasion in mòcheno
